«О́tken kezeńde sý tasqyny boıynsha jaǵdaı bıyl Jol kartasyn («2017-2020 jyldarǵa arnalǵan sý tasqyny qateriniń aldyn alý jáne joıýdyń keshendi sharalary») iske asyrýdyń arqasynda oıdaǵydaı ótti, bul sharalar 2020 jyly aıaqtalady. Bul - sý tasqyny kezeńindegi jergilikti atqarýshy organdardyń profılaktıkalyq jumystary. Qaraǵandy, Aqmola oblystarynda aýqymdy jumystar atqaryldy, keıbir aýdandarda oryn alǵan synı mejeler (esk. - júrgizilgen jumystar) bizge ony oıdaǵydaı ótkerýge múmkindik berdi, keıbir jekemenshik aýmaqtar sý astynda qalǵan bolatyn. Arnaıy qyzmetter shuǵyl sharalar qabyldady», — dedi QR ishki ister mınıstriniń orynbasary Iý. Ilın.
25 sáýirdegi jaǵdaı boıynsha Soltústik Qazaqstan oblysy baqylaýǵa alynǵan, onda 21 sáýirde Esil ózeni deńgeıiniń kóterilýi saldarynan «Chelıabınsk-Novosıbırsk» respýblıkalyq mańyzy bar avtojolynyń jol tósemi arqyly sý júrdi. Zarechnyı kentindegi (Petropavl qalasynyń aýmaǵynda) turǵyn úılerge qaýip joq. Pavlodar oblysy da Shúlbi sý qoımasynan josparly sý aǵyzylýyna baılanysty baqylaýda tur.
«Pavlodar oblysynda Ertis ózeniniń boıynda ornalasqan eldi mekenderdi sý basýǵa jol bermeý maqsatynda qolda bar qorǵanys qurylystary men úıindilerdi nyǵaıtý boıynsha jumystar júrgizildi, baqylaý beketteri ornatyldy, sý basýy yqtımal aımaqqa kiretin 9 eldi meken anyqtaldy, turǵyndar habardar etildi», — dep aqparattandyrdy Iý. Ilın.
Onyń aıtýynsha, ótken jylmen salystyrǵanda, bıyl sý tasqyny jaǵdaıy turaqty, qandaı da bir qıyndyqtarsyz ótti, tek naýryz aıynyń sońy men sáýir aıynyń basynda Aqmola oblysynda ǵana turaqsyz jaǵdaı oryn alǵan edi.
Jedel túrde osy úılerdiń turǵyndaryn qaýipsiz jerge kóshirý boıynsha is-sharalar júrgizildi, sý soryp shyǵaryldy. Qıraǵan jáne apatty jaǵdaıda turǵan úıler tirkelgen joq.
«Jalpy jergilikti atqarýshy organdardyń, IIM bólimsheleriniń jáne basqa da birqatar mınıstrlikterdiń júrgizgen jumystarynyń arqasynda sý tasqyny boıynsha jaǵdaı ótken jylmen salystyrǵanda az shyǵynmen ótip jatyr, ıaǵnı sý basyp qalǵan nemese aýqymdy materıaldyq zardap shekken úlken aýmaqtar, eldi mekender joq. Jalpy, búgingi tańda el boıynsha sý tasqynyna qatysty jaǵdaı turaqty», — dedi QR IIM mınıstriniń orynbasary.
Aıta keteıik, sý tasqyny kezeńi bastalǵanǵa deıin jáne onyń ótý kezeńinde TJD jergilikti atqarýshy organdarmen birlesip eldi mekenderdi sý basýǵa jol bermeý boıynsha sharalar keshenin oryndady. 11 myń shaqyrym aryqtar men arnalardy tazalaý jumystary júrgizildi. Eldi mekenderden 12 mln tekshe metr qar shyǵaryldy. Avtomobıl joldarynda 33 myń, temirjol joldarda 7 myń sý ótkizý qurylystary tazartyldy. Sý tasqynynyń aldyn alý jáne saldaryn joıý úshin 10 myń tonna janar-jaǵarmaı, 281 myń tonna ınertti materıal, 1 mln qap jáne 40 tonna jarylǵysh zattar qory daıyndaldy.
