Foto: Vıdeodan alynǵan kadr
Qala amfıteatry men tanymal saýda úıiniń janynda ornalasqan bul kompozısııa adam men tabıǵattyń baılanysyn beıneleıdi. Bul aýmaq qala turǵyndary men qonaqtary jıi serýendep, demalatyn orny.
Turǵyndardyń aıtýynsha, sáýlettik ónerdiń kúıi kún saıyn nasharlap barady. Músinderde jaryqtar paıda bolyp, boıaýy sydyrylǵan. Al tulpardy aýyzdyqtap turǵan jigit músininiń qoly temir qańqaǵa deıin synyp túsken.
Ákimdiktegiler turǵyndardy tynyshtandyryp, tek osy nysan emes, jalpy mádenı nysandar men toǵyz saıabaq aýmaǵyn retke keltirý josparlanyp otyrǵanyn aıtqan. Bul jóndeý jumystaryna 16 mıllıon teńge qarastyrylǵan.
Qalalyq turǵyn úı-kommýnaldyq sharýashylyq bólimi ókiliniń aıtýynsha, bıyl merdiger uıymmen úsh jyldyq kelisimshart jasalǵan jáne qazirgi ýaqytta jóndeý jumystaryna smetalyq qujattama ázirlenip jatyr.
Eske salaıyq, О́skemendegi saıabaqtan Jaqsylyq Úshkempirovtiń qurmetine ornatylǵan músin joǵalyp ketken bolatyn.
