27-28 sáýirde «Jas Batyr» sport kesheninde tarıhı Otanyna oralǵan jáne shetelde turatyn otandastar úshin shaǵyn fýtboldan halyqaralyq týrnır ótedi.
Jarysty QR Mádenıet jáne sport mınıstrligi Sport komıteti men L.N. Gýmılev atyndaǵy Eýrazııa ulttyq ýnıversıtetiniń qoldaýymen «Otandastar» qory jáne Dúnıejúzi qazaqtary qaýymdastyǵy uıymdastyrmaq.
Jastar arasyndaǵy týrnırge Túrkııa, Mońǵolııa, Qytaı, Aýǵanstan, Iran, Reseı, О́zbekstan jáne Qyrǵyzstannan sııaqty alys jáne jaqyn shetelderden keletin 30-dan astam komanda qatysady dep kútilýde. Sondaı-aq, oǵan elimizdiń ár aımaǵynan keletin komandalar da qatysa alady.
Komandalardyń jerebesi 26 sáýirde saǵat 16:00-de Qonaev kóshesi, 12/1 mekenjaıy boıynsha ornalasqan «Otandastar» qorynda ótedi. Týrnır 27 sáýirde saǵat 09:00-de bastalady.
О́tetin orny: Konstıtýsııa kóshesi, 3 mekenjaıy boıynsha ornalasqan «Jas Batyr» sport kesheni.
