О́lim men ómir beldesken tusta ár sekýnd sanaýly ekenin túsingen olar birden ábjil qımylǵa kiristi. Aýlanyń tarlyǵyna, jeńil kólikterdiń kóptigine qaramastan órt sóndirý qyzmetiniń jedel kezekshisi, azamattyq qorǵaý maıory Rýslan Bazarbaev otbasyn gaz-tútinnen qorǵaý qyzmet kúshin jumyldyrýǵa sheshim qabyldady. Qaraýyl 5-shi qabatqa kóterilip, páterge enýdiń eń utqyr tásilderin qoldandy.
«Sol mınýttarda biz barlyǵymyz Vıktor, Natalıa jáne olardyń uly – 6 jasar Kolıa bizben birge dem alyp, órt ornynan ketip qaldyq.
«Eń qıyny joǵarǵy qabattardy eńserý boldy. О́ıtkeni, ashy tútin qolqany qaýyp, kózdi jasaýratyp, 3, 4 qabattarda elektr qalqanshalary janyp jatty. Mejeli jerge jetkenshe otbasyny qatty ýaıymdadyq. Sol kezde taǵdyry qyl ústinde turǵan olardyń jaǵdaıyn sózben sıpattaý múmkin emes. Ábden qorqyp, esi shyǵyp ketken kishkentaı Kolıany Asylbek Keńes tynyshtandyryp baqty. Erli-zaıyptylar da din aman», deıdi bólim komandıri Aslan Esenǵalıev.
Elektr symdarynyń qysqa tuıyqtalýynan shyqqan órt osylaısha úsh adamnyń ómirin jalmap kete jazdady. Qutqarýshylar der kezinde jetpegende órttiń saldary áldeqaıda qaýipti bolýy múmkin edi. Onyń ústine aýlaǵa kire beriste qoıylǵan metall aýyr shlagbaým biraz kedergi týdyrǵanǵa uqsaıdy.
25 adam qaýipsiz jerge der kezinde kóshirilip, basqa da saqtyq sharalary ýaqytyly uıymdastyryldy.
