Osy kezde dala órtterine qatysty 100-den astam shaqyrtý túsken. Dala órtteri oblys ortalyǵy aýmaǵynan bólek, Aqtoǵaı, Sharbaqty aýdandary jáne Ekibastuz, Aqsý qalalary mańynda anyqtalǵan. Qazirgi ýaqytta órt sóndirý beketteri, eriktiler dala órtiniń aldyn alý úshin túrli qaýipsizdik, saqtandyrý jumystaryn atqarýda.
Dalalyq jáne ormandyq jerler ǵaryshtan da baqylanady. Jalpy, byltyrǵy jyldyń osy kezeńinde 117 órt bolyp, 115 gektar jer janyp ketipti. Búginde qala aýmaǵyndaǵy saıajaılar baqylaýǵa alyp, reıd júrgizilýde. Al, oblystyq Orman sharýashylyǵy jáne janýarlar dúnıesi aýmaqtyq ınspeksııasynyń málimetinshe, orman órtendi degen málimetke kelsek, bul jańsaq málimet eken, orman órtenbegen. Buǵan sebep, «Taılaq» sharýa qojalyǵynyń ormanshylary 30 gektar aýmaqtaǵy shópke josparly túrde jaǵý jumystaryn júrgizgen.
Biraq, jel baǵytynyń kenetten ózgerýine baılanysty jalyn Sharbaqty aýdany aýmaǵyndaǵy memlekettik orman qorynyń aýmaǵyna jetken. Jalynnan qurǵaq shóp pen aǵashtyń tuqymdary zardap shekken. Al,óńirdegi «Ertis ormany» rezervatyndaǵy orman aman.
- Qaraǵaılardyń jas óskinderin sharpyǵany bolmasa, qurǵaq shóp laýlap janǵan. Arada alty saǵat ótken soń órt óshirildi,- deıdi ınspeksııa basshysynyń m.a. Qaırat Ábilbaev. Zardap shekkender men qurban bolǵandar joq. О́ńirlik TJ departamentiniń málimetinshe, órt sóndirýge 112 adam jáne 34 tehnıka qatysty.
Qazir orman alqabyn turaqty kúzetý,tosyn órtten saqtaý jumystary júrgizilýde.
PAVLODAR
Sýret Tótenshe jaǵdaılar departamentinen alyndy
