Qazaqstan Respýblıkasynyń Premer-mınıstri Asqar Mamınniń Reseı Federasııasyna sapary aıasynda ónerkásip salasyna qatysty eki qujatqa qol qoıyldy. Olar: «Agromashholdıng KZ» AQ-da Kıroves markaly traktorlar men olardyń quramdas bólshekteri óndirisin uıymdastyrý» jobasyn iske asyrý boıynsha jol kartasy jáne arnaıy tehnıka men KAMAZ avtokomponentterin óndirý boıynsha birlesken jobalardy iske asyrý yntymaqtastyǵy týraly kelisim.
Qazaqstandyq taraptan arnaıy tehnıka men KAMAZ avtokomponentterin óndirý boıynsha birlesken jobalardy júzege asyrý jónindegi yntymaqtastyq týraly kelisimge QR Indýstrııa jáne ınfraqurylymdyq damý vıse-mınıstri Amanııaz Erjanov, Qazaqstan avto bıznesi qaýymdastyǵynyń prezıdenti Andreı Lavrentev, «QDB-Lızıng» AQ Basqarma tóraǵasy Nurlan Baıbazarov, al Reseı tarapynan Reseı Federasııasynyń ónerkásip jáne saýda vıse-mınıstri Aleksandr Morozov pen «KAMAZ» JAQ bas dırektory Sergeı Kogogın qol qoıdy.
Amanııaz Erjanov atap ótkendeı, kelisim aıasynda QR IIDM eldiń qoldanystaǵy zańnamasyna sáıkes Qazaqstan Respýblıkasynyń aýmaǵynda О́ndiristi ınvestısııalaý úshin qolaıly jaǵdaılar jasaýǵa jáne óndiriske qoldaý kórsetýge nıetti. Atap aıtqanda, Memlekettik baǵdarlamalar aıasynda jeńildikpen qarjylandyrý arqyly Qazaqstannyń ishki jáne syrtqy naryqtarynda óndiris ónimderine suranysty qoldaý sharalaryn qabyldaý, ónimdi memlekettik qajettilikter men kvazımemlekettik sektordyń qajettilikteri úshin satyp alýǵa qatysý kezinde memlekettik qoldaý sharalaryn qabyldaý jáne basqa da sharalar bar.
Reseı Federasııasynyń О́nerkásip jáne saýda mınıstrligi Reseı Federasııasynyń qoldanystaǵy zańnamasyna sáıkes óndiriske qoldaý kórsetýge, sonyń ishinde óndiris úshin qajetti quramdas bólshekterdi Reseıden eksporttaýǵa qoldaý kórsetýge nıet bildirip otyr. «KAMAZ» JAQ ókilderi de KAMAZ markaly júk avtomobılderiniń úglilik qataryn keńeıtý maqsatynda qajetti sharalar júrgizýge nıetti. Atap aıtqanda, Qazaqstan Respýblıkasynda arnaıy avtotehnıkany jáne Qazaqstan Respýblıkasynyń ishki naryǵy úshin de, eksporttyq naryqtarǵa ótkizý úshin de jolaýshylar kóliginiń modelderin óndirý, Qazaqstan Respýblıkasynyń aýmaǵynda óndirý úshin avtokomponentterdi, onyń ishinde KAMAZ markaly júk kóligi úshin bilik redýktorlaryn shoǵyrlandyrý, óndirý jáne óndiriletin ónim úshin avtokomponentterdiń eksportyn damytý baǵdarlamasyn ázirleý.
«QDB-Lızıng» AQ qural-jabdyqtar men qurylys-montajdaý jumystary qunynan 30%-ke deıingi mólsherde avans jasaýdy, sondaı-aq óndiriletin ónimdi satyp alatyn tulǵalardy lızıngtik qarjylandyrýdy qamtamasyz etý kezinde Tobolkz negizgi qural-jabdyqtaryn satyp alýǵa nemese KAMAZ kapıtalynyń qatysýymen qurylǵan ózge de birlesken kásiporynǵa 70%-ke deıingi mólsherde lızıngtik qarjylandyrýdy usyný arqyly óndiristi uıymdastyrýǵa jáne damytýǵa qoldaý kórsetýge nıetti.
Ekinshi qujat - «Agromashholdıng KZ» AQ-da Kıroves markaly traktorlar men olardyń quramdas bólshekteri óndirisin uıymdastyrý» jobasyn iske asyrý boıynsha jol kartasyna Qazaqstan tarapynan Qazaqstan avto bıznesi qaýymdastyǵynyń prezıdenti Andreı Lavrentev jáne Reseı tarapynan «Peterbýrgskıı traktornyı zavod» AQ dırektory Sergeı Serebrıakov qol qoıdy.
Qujatta zańnamanyń turaqtylyǵyn qamtamasyz etý, óndiristi iske asyrýda ústeme mindetteme alý kezinde qajetti syrtqy ınfraqurylymmen (avtojol jáne t/j joly) óndiristi qamtamasyz etý maqsatynda ınvestısııalyq óndiristi qoldaý máseleleri qarastyrylady.
Qujat salyq preferensııalaryn, KAMAZ óndirisiniń avtomobılderin jáne olardyń quramdas bólshekterin jasaýǵa baǵyttalǵan jeńildikpen qarjylandyrýdy (onyń ishinde lızıngtik qarjylandyrýdy), sondaı-aq qurylǵan óndiristerdiń daıyn ónimderin jeńildikpen lızıngtik qarjylandyrýdy, ınvestısııalyq sýbsıdııa, Qazaqstan Respýblıkasynda memlekettik qoldaýdyń basqa da formalary esebinen jabdyqtar men qurylys-montaj jumystaryna ınvestısııalardyń 30%-tin qaıtarýdy qarastyrady.
