Aımaq basshysy eń aldymen, Marat Ospanov atyndaǵy Batys Qazaqstan memlekettik medısına ýnıversıtetine baryp, oqý ornynyń materıaldyq-tehnıkalyq jabdyqtary men laboratorııalyq kabınetterin aralap kórdi. Atalǵan oqý ornynda elimizden ózge Reseı, Úndistan, О́zbekstan, Pákistan memleketteriniń jastary da bilim alady.
Bilim ordasy janynan stýdentterge arnalǵan «Jastar arena» sporttyq kesheni ashyldy. Oblys ákimi Ońdasyn Orazalın saltanatty sharaǵa qatysyp, jańa ǵımarattyń lentasyn qıdy.
«Elimizde bıylǵy jyl «Jastar
jyly» dep jarııalandy. Bul – memleket tarapynan jas urpaqty qoldaýǵa baǵyttalǵan
mańyzdy qadam. Búginde Aqtóbe oblysynda 14 pen 29 jas aralyǵyndaǵy 210 myńǵa
jýyq jas bar, bul óńir halqynyń 24–ten astam paıyzyn quraıdy. Jastar jylynda
oblys jastaryna tıisti jaǵdaı jasalyp, jumyspen qamtý, sapaly bilim, turǵyn
úımen qamtý jumystarynyń atqarylýy odan da joǵary qarqyn alady degen sóz.
Sizder bilimmen qatar, salaýatty ómir saltyn ustanatyn myqty azamat bolyp
qalyptasý kereksizder. Sondyqtan da, ıgilikterińizge berilgen jańa
ǵımarttyń ashylýymen quttyqtaımyn», dedi Ońdasyn Orazalın
