Taıynsha aýdanyndaǵy bilim oshaǵyna osydan alty jyl buryn kúrdeli jóndeý júrgizilgenimen, ábden tozǵany sonshalyq, qalpyna keltirý múmkin bolmaǵan sekildi. О́ıtkeni qabyrǵalarda qaıtadan syzat paıda bolyp, mektep basshylyǵy dabyl qaqqan. Tótenshe jaǵdaılar qyzmeti de apattyq jaǵdaıda dep tanyǵan. Solaı bola tura jergilikti bılik shuǵyl túrde sheshim qabyldaýdyń ornyna máseleni keıinge ysyryp, jaǵdaıǵa kóz juma qaraǵanǵa uqsaıdy.
– Ǵımarattyń adam jylarlyq jaıyn aıtyp, qanshama dabyl qaqqanymyzben, qulaq asar adam tabylmady. Ata-analardan jınalǵan qarajatqa jamap-jasqaǵanmen eski dúnıe qaıtip jańarady? Apattyń oryn alatynyn bile tura, qulaǵansha kútkenderi qalaı? Kúndiz opyrylyp tússe ne bolar edi? – deıdi turǵyndar basshylyqtyń jaıbaraqattyǵyna narazy únmen nalı sóılep.
Ákimdiktegiler bolsa, nysannyń olar oılaǵannan erterek qulap, mundaı oqys jaǵdaıdy kútpegenin aıtady. Oqý jyly aıaqtalǵan soń qalpyna keltirý josparlanyp qoıylypty. Biraq kóktemgi qar erigen kezde qaýip kúsheıip, súrýge jeke seriktesti jaldaǵanmen, isti sońyna deıin jetkizýge úlgermegen kórinedi.
Qyryq syltaýy taýsylmaıtyn sheneýnikter bárin retke keltiremiz, alańdaýǵa esh negiz joq degen jubatýynan jańylar emes.
Soltústik Qazaqstan oblysy
