Sybaılas jemqorlyqqa qarsy is-qımyl saıasatynyń bazalyq baǵyttary Elbasynyń «Qazaqstan-2050» Strategııasynda, «100 naqty qadam» Ult josparynda belgilengen sybaılas jemqorlyqty irikteý mindetterin iske asyrý arqyly naqty belgilengen.
Ulttyq baıandamanyń maqsaty sybaılas jemqorlyqtyń aldyn alý boıynsha praktıkalyq is-sharalardy ázirleý jáne sybaılas jemqorlyqqa qarsy zańnamany jetildirýmen Qazaqstandaǵy sybaılas jemqorlyqqa qarsy saıasatty jáne onyń taralýynyń jaı-kúıi men úrdisine obektıvtik taldaý bolyp tabylady.
Osy oraıda, baıandamany tanystyryp, talqylaý maqsatynda Agenttiktiń aýmaqtyq departamentiniń uıymdastyrýymen «Dostyq úıinde» memlekettik organdardyń basshylary, ÚEU ókilderi, máslıhat depýtattary men etno-mádenı birlestikterdiń, oblystyq assambleıa jáne qoǵamdyq keńes músheleriniń qatysýymen keńeıtilgen jıyn ótti.
Sharada birneshe qoǵamdyq keńes músheleri men basqa da qatysýshylar ózderiniń usynystary men pikirlerin jetkizgen bolatyn. Memlekettik qyzmette 40 jyldyq ótili bar O.Toǵjanov jemqorlyq dertimen qoǵam bolyp kúresý kerektigin aıtyp, óńirdegi bilimdi de tájirıbesi mol memlekettik qyzmetshilerdi joǵary laýazymdarda, Prezıdent ákimshiliginde de qyzmette kórgisi keletindigin jetkizdi. Qoǵamdyq keńestiń múshesi T.Qaljanuly parany alǵandy emes, bergen azamatty ǵana jazaǵa tartý qajettigin durys dep sanaıdy. Al Beket Ata meshitiniń bas ımamy Seıitbek Smaıyl qajy dinimizden sharıǵat boıynsha dáıekter keltire kele «parany bergenniń de, alǵannyń orny tozaqta» deıdi. Sonymen birge, jemqorlyqqa qarsy tárbıeni árbir adam ózinen, otbasynan bastaǵany jón ekendigin jetkizdi. Oǵan qarsy turýdyń, árdaıym adal bolýdyń birden bir joly – tárbıe tal besikten demekshi, otbasy tárbıesinde balaǵa durys tárbıe berý, jemqorlyqtyń zardabyn bala kezden túsindirý.
Sonymen qatar, qoǵamdyq keńes múshesi A.Talasbaeva óziniń máselesi men usynysyn jetkize otyryp, jumysqa ornalasý kezindegi ashyqtyq, bilim jáne medısına salasyndaǵy oryn alatyn sybaılas jemqorlyq kórinisterine jıi kýá bolatyndyǵyn jetkizdi. Oǵan Sybaılas jemqorlyqqa qarsy is-qımyl ulttyq bıýrosynyń (Sybaılas jemqorlyqqa qarsy qyzmet) Mańǵystaý oblysy boıynsha departamenti basshysynyń orynbasary B.Mahmud qandaı da bir sybaılas jemqorlyq kórinisterine tap bolǵan kezde, aryz ben naqty dálelder bolǵan jaǵdaıda, kez kelgen ýaqytta qabyldaýǵa daıyn ekendikterin jáne oǵan qarsy shara qoldanatyndaryn eskertti.
Mańǵystaý oblysynyń qoǵamdyq keńes tóraǵasynyń m.a. B.Júsipov «Sybaılas jemqorlyqqa qarsy is-qımyl týraly» Ulttyq baıandamanyń mańyzdylyǵyn eskere otyryp jeke qurammen ujym arasynda talqylaıtynyn jáne aldaǵy ýaqytta departamentpen tyǵyz, birlesip jumys jasaıtyndyǵyn jetkizdi.
Mańǵystaý oblysy
