Baspanalar ınfraqurylymy damyǵan, ekonomıkalyq,áleýmettik áleýeti joǵary 150-ge jyq eldi mekende boı kóteredi. Eger kóship kelgen otbasy basqa úıdi satyp alsa nemese jaldasa, memleket olarǵa 600 myń teńgege deıin shyǵynyn qaıtaryp beredi. Buǵan qosa ár otbasy úshin demeýqarjy qarastyrylǵan. Máselen, 5 adamnan turatyn otbasyǵa 450 myń teńge tólenedi.
Ishki kóshi-qon úderisin retteý, teriskeı jaqtarda demografııalyq ahýaldy retteý, mamandar tapshylyǵyn joıý maqsatymen qabyldanǵan memlekettik baǵdarlama júzege asyrylǵaly Maǵjan eline 700 otbasy kóship kelip, túrli áleýmettik qoldaýlarǵa ıe boldy. Qazir olardyń basym kópshiligi aýylsharýashylyq, bilim berý, densaýlyq saqtaý, kásipkerlik salalarda eńbek etedi. Bıyl 2,5 myń adamdy qonystandyrý belgilengen
«Kóship kelýshilerge birneshe talap qoıylady. Atap aıtqanda, ár otbasyda 3-4 bala bolý qajet. Dáriger, agronom, traktorshy, kombaınshy sekildi mamandyq ıelerine basymdyq beriledi. Osy talaptar oryndalǵan jaǵdaıda sý jańa kottedj kilti tabys etiledi. Mektepter men balabaqshalar jetkilikti», deıdi Qumar Irgebaıuly.
