«Eger 5 jylda orman alqaby 12 293 gektarǵa keńeıse, onyń esesine osy bes jylda 2713 gektar jasyl alqap janyp ketken. Orman sharýashylyǵy mekemeleri 2018 jyly órtke qarsy sharalar júrgizbegeni jáne erejelerdi saqtamaǵany úshin 32 hattama jasap, órttiń shyǵýyna sebepker bolǵan 6 adamdy anyqtady. Quqyq qorǵaý organdaryna bergen 42 materıaldyń ishinen 1 ǵana qylmystyq is qorǵaldy, 4 ákimshilik is sotta qaraldy. 32 ákimshilik aıyppul salynyp, 739 myń teńge alyndy, 549 myń zııan ornyna keltirildi» dedi Murat Shaıymov. Munymen qosa basqarma basshysy orman órtterine qarsy kúresýde jergilikti atqarý organdarynyń qol urmaıtynyn da aıtyp ótti.
«Mysaly, Arhımed Begejanuly, Qostanaı oblysynda orman-dala órtin boddyrmaýdyń 2018-2020 jyldarǵa arnalǵan joparyn bekitken bolatynsyz. Onda tıisti oryndardyń nemen aınalysýy, onyń tártibi jóninde naqty kórsetilgen. Biraq, tájirıbe kórsetkendeı, qolǵa alynǵan eshteńe joq» dedi Murat Shaıymov. Ol mysalǵa Qamysty jáne Qostanaı aýdandarynda bolǵan dala órtterin keltirdi. Qamysty aýdanynda ótken jyly 2 kún boıy ormandy daladaǵy órtti órt sóndirýshiler óshirgen, aýdan ákimshiligi tek úshinshi kúni ǵana kirisken. О́rt jıileıtin maýsymda 2019 jyly 4 dala órti tutanyp, ol Qamysty jáne Qostanaı aýdandaryndaǵy ormandy alqaptarǵa qaýip tóndirgen.
Biraq atalǵan aýdandardaǵy atqarý organdarynan qaıran bolmaǵan. Muny Qamysty aýdanynyń ákimi Ǵazız Bekmuhamedov teriske shyǵardy. Osy keńeıtilgen májiliste oblys ákimi ormandardaǵy jáne daladaǵy órtke qarsy jumystarǵa, onyń ishinde aýdan ákimderi júrgizgen jumystarǵa kóńili tolmaıtynyn aıtty. Arhımed Begejanuly bul jaǵdaıdyń anyq-qanyǵyn bilýdi orynbasary Sergeı Karplıýkke tapsyrdy, eger ras bolsa, kináliler jazalanady, qyzmetinen bosatýǵa deıin baratynyn eskertti.
