«Baıqaýdy ótkizgende qazaq, orys jáne aǵylshyn tilderin jetik meńgergen daryndy jastardy anyqtaý jáne qoldaýdy, qazaqstandyq patrıotızmdi nyǵaıtýdy, tildik mádenıetin tárbıeleýdi, ózge halyqtardyń tili men mádenıetin qurmetteýdi qalyptastyrýdy maqsat tuttyq» deıdi Oylstyq tilderdi damytý basqarmasynyń bólim meńgerýshisi Baqytgúl Súıleımenova.
Baıqaýǵa qatysqandar aǵylshyn tilinde esse jazdy. Aǵylshyn tilinde berilgen mátindi aýdaryp, ol tilin qanshalyqty biletindigi synaldy. Al ár qatysýshy qazaq tilinde berilgen taqyrypty óziniń sózdik qoryn kórsete otyryp, ashyp, áńgimelep berýi tıis boldy.
Arqalyq qalasynan kelgen Baıan Shaıahmetke «Sóz sheberi», rýdnyılyq Sýleımen Keýilqosovqa «Til sheberi», Qostanaı qalasynan qatysqan Gúlfaırýz Nurmaǵanbetovaǵa «Kórermen kózaıymy» atalymdary boıynsha qurmet kórsetilip, dıplomdarmen marapattaldy, munymen qosa 16 GB fleshkasy syıǵa tapsyryldy.
Baıqaý qorytyndysy boıynsha I oryndy Amangeldi aýdanynan qatysqan Meıirim Turarhan jeńip aldy. Ol úsh tilde erkin sóıleýimen erekshelendi. II orynǵa О́.Sultanǵazın atyndaǵy QMPÝ stýdenti Kobjanova Aınur laıyq dep tabyldy. III oryndy Altynsarın aýdanynan kelgen Narǵyz Násilbekova aldy. Jeńimpazdardyń barlyǵyna arnaıy dıplomdar men aqshalaı syılyqtar tapsyryldy.
2019 jyldyń qazan aıynda Shymkent qalasynda ótetin «Tildaryn» atty respýblıkalyq baıqaýynda Qostanaı oblysynyń namysyn Meıirim Turarhan qorǵaıtyn bolady.
Qostanaı
