Alda saıası naýqan-Qazaqstan Prezıdentin saılaý jaqyndap qaldy. Qalyń buqara kezekten tys prezıdent saılaýyn tarıhı tańdaý dep tanyp otyr. Úmitkerler de belgili boldy. Eldiń erteńi jarqyn bolýy úshin Qazaqstan Prezıdenttigine eń myqty memleketshil tulǵa taǵaıyndalýy kerek. Forýmda oblystyq jastar resýrstyq ortalyǵynyń basshysy Abylaıhan Sabanbaev osy saılaýda jastardyń belsendiligi Qazaqstan bolashaǵy úshin erekshe oryn alatyndyǵyn atap ótti.
«Tuńǵysh Prezıdent - Elbasy qaı kezde de jastarǵa zor úmit artyp keledi. Byltyrǵy Joldaýynda jastardyń barlyq sanatyn qoldaýǵa arnalǵan sharalardy tolyq qamtıtyn áleýmettik satynyń aýqymdy platformasyn qalyptastyrý qajettigine toqtaldy. Osy maqsatta 2019 jyldy Jastar jyly retinde jarııalady. Qashanda jastar - el bolashaǵy, qoǵamnyń qozǵaýshy kúshi, egemendik uıytqysy»,dedi Abylaıhan Sabanbaev.
Qazir ár partııadan usynylǵan úmitkerler ózderiniń saılaý platformalary jaıly oılaryn ashyp aıtyp jatyr. Bılikke jetý úshin jurttyń kóńil-kúıine oınaıtyn ásireqyzyl sóz kóbigin sapyryp jatqandar da bar.
Jastardyń betke ustar serkeleri ondaı arzan ýádelerge arandap qalmaı, naǵyz memleketshil tulǵany tańdaý jaıyn aıtty.
