Sessııada sóz alǵan Tuńǵysh Prezıdent, Qazaqstan halqy Assambleıasynyń tóraǵasy Nursultan Nazarbaev Beıbitshilik pen kelisim saraıyna jınalǵandardy sessııasynyń ashylýymen quttyqtady.
«Assambleıa qurylǵan kúnnen bastap elimizdegi myzǵymas birliktiń uıytqysy, sarqylmas berekeniń bastaýy bolyp keledi. Kóp etnosty elimizdiń basyn biriktiretin, árqaısysynyń pikirin tyńdaıtyn úlken minbe bolyp sanalady. Búginde qurylym elimizdegi tatýlyq pen turaqtylyqtyń eń basty kepili bolyp otyr», dedi Elbasy.
Sessııa sońynda «Týǵan jerge taǵzym» atty saltanatty konsert ótpek. Onda qazaqstandyq jas ánshiler Erjan Maksım men Danelııa Tóleshova óner kórsetedi. Konsert Saltanat» Memlekettik bı ansambli, «Rýhsara» bı ansambli solısteri, Q. Qojamıarov atyndaǵy Memlekettik respýblıkalyq akademııalyq uıǵyr mýzykalyq komedııa teatry, Memlekettik respýblıkalyq akademııalyq koreı mýzykalyq komedııa teatry, «Naz» Memlekettik bı teatry, «Máńgilik» bı teatry jáne sheshen-ıngýsh etnomádenı birlestiginiń «Vaınah» ansamblderiniń birlesken «Qazaqstan - bizdiń ortaq úıimiz» horeografııalyq kompozısııasymen bastalady dep kútilip otyr.
