Ekspozısııa músindik portretter men sımvolıkalyq portretterdi, grafıkalyq jumystardy, bárin qosqanda, ár jyldarda sheberdiń qolynan shyqqan toqsannan astam týyndyny qamtyǵan. Erterektegi shyǵarmashylyǵyna «Kitaphanashy Lıýsıa» jáne «Vıktor» degen eki jumysy jatady. Isa paıǵambardyń «Sender ‒ meniń dostarymsyńdar» degen sózimen atalǵan kompozısııasy Isa paıǵambar men onyń moraldyq kemeldikke umtylǵan on eki shákirtiniń jumyla, ekpindi ári senimdi adymdaǵan shebinen turady. Kúmis jaǵylǵan granıtten jasalyp, mıf pen dinniń qupııa keńistiginiń arasynda saltanat qurǵan adamzat tarıhyna qoıylǵan basty eskertkishterge arnalǵan obektiler toptamasy kórermen qyzyǵýshylyǵyn týdyrǵan shyǵarmalar.
Asqar Esenbaevtyń shyǵarmashylyǵynda grafıka da bar. Músinmen kórsete almaǵanyn grafıka tilimen jetkizedi. Sýretshige túsindirýge bolatyn kez kelgen tásilmen jetkizgen mańyzdy: olar ‒ japsyrý, sýret salý, sóıleý.
A. Esenbaeavtyń jumystary Á. Qasteev atyndaǵy QR Memlekettik óner mýzeıiniń qorynda, Memlekettik Tretıakov galereıasynda, sondaı-aq AQSh, Italııa, Germanııa, Fransııa jáne Reseı elderiniń jeke kolleksııalarynda saqtaýly.
