«Elimizdegi halyqtardyń biriliginiń aıqyn kórinisi retinde «Týǵan jer» baǵdarlamasyn aıta alamyz. QHA XXVII sessııasy elimizdegi tarıhı oqıǵalarǵa tus keldi. 30 jylǵa jýyq ýaqyt boıy el basqaryp keldim. Bizdiń memleketimiz týraly kóptegen boljamdar bar edi. 30 jyl buryn ǵana halyqaralyq sarapshylar Ortalyq Azııa, bizdiń Qazaqstan da - jańa qaqtyǵys oshaqtaryna aınalatynyn boljaǵan edi. Olar bizdiń óńirde qantógister men kúrester júrip jatady dep oılady. Olar etno jáne dinı senim boıynsha ózgeshelikti alǵa tartty. О́ńirdegi memleketterdiń bolashaǵy joq ári tarıh tabanynda qalady dep senimdi túrde boljam jasady. Biraq, táýelsizdik jyldary biz - Qazaqstan halqy bul destrýktıvti boljamdardyń bárin joqqa shyǵardyq», dedi Nursultan Nazarbaev.
Elbasy óz sózinde Qazaqstan ekonomıkasy myǵym memleket ekenin aıta otyryp, «Biz birliktiń, ishki saıasattaǵy pragmatıkalyq baǵyttyń arqasynda tarıhtyń barlyq qaqpanyn aınalyp óttik, halyqaralyq joǵary dárejege ıe boldyq. Ishki saıası isterdi quryp jatqan bizdiń model, bizdiń eldegi ultaralyq qarym-qatynas ýaqyttyń ózimen synalyp, búgingi tańda basqalarǵa úlgi bolyp keledi», dedi Elbasy.
