Aımaqtar • 01 Mamyr, 2019

Aq Jaıyqtyq arý analar jastarmen kezdesti

798 ret kórsetildi

«Nur Otan» partııasy janyndaǵy «Jas Otan» Jastar qanaty Batys Qazaqstan oblystyq fılıaly «Urpaqtar sabaqtastyǵy» jobasy aıasynda eńbek ardageri, kóp balaly ana, «Arý analar» ansambliniń jetekshisi Klara Sarjanovamen kezdesti.

- Bizdiń «Urpaqtar sabaqtastyǵy» atty jobamyz 2013 jyly bastaldy. Onyń basty maqsaty – aǵa býyn urpaq ókilderimen, ardagerlermen kezdesip, olardyń tálim-tárbıesin alý, tájirıbesin estip, ósıetin tyńdaý, ony ómirde paıdalaný bolatyn. Tuńǵysh Prezıdentimiz «Bolashaqqa baǵdar: rýhanı jańǵyrý» maqalasynda jastarǵa patrıottyq tárbıe berý, salt-dástúrimizdi, mádenıetimiz ben biregeı ulttyq kodymyzdy saqtaý sııaqty mańyzdy basymdyqtarǵa erekshe toqtaldy ǵoı. Astanada Elbasynyń qatysýymen ótken jastar forýmynda óskeleń urpaqty ardagerlerdi ardaqtaýǵa, qadirleı bilýge tárbıeleý qajet ekendigin atap ótti. Sondyqtan óńirimizdegi eńbek ardageri men belsendi stýdent jastarymyzdyń kezdesýin turaqty ótkizip kelemiz. Búgingi sharaǵa qonaq retinde patrıottyqqa, birlikke úndeıtin ánderin áýeletip júrgen kóp ultty «Arý analar» ansambli múshelerin tańdap aldyq, - deıdi Jas Otan» Jastar qanaty Batys Qazaqstan oblystyq fılıalynyń jetekshisi Nurǵalı Joldasqalıev.

Quramynda 15 múshesi bar «Arý analar» ansambliniń eń egde ánshisi 92 jasta eken. Ansambl jetekshisi Klara Baqtyǵalıqyzynyń ózi de 83 jasta. Respýblıkalyq Ardagerler Keńesiniń múshesi Klara Sarjanova áli kúnge deıin óńirdegi qoǵamdyq isterdiń bel ortasynda júredi. Osy kezdesýde de jıylǵan jastarǵa óziniń ómir tájirıbesi, basynan keshken oqıǵalary týraly aıtyp, aqyl-keńesimen bólisti.

- Men qazirgi jastarǵa, ásirese qyz balalarǵa bilimdi bolýǵa umtylyńdar! - der edim. Oqyǵan qyzdyń, bilimdi adamnyń qashan da bási bıik bolady. Sonymen birge, ulttyq tárbıeni, halqymyzdyń salt-dástúrin de umytpaý qajet, - degen Klara Baqtyǵalıqyzy. О́z ómirinen naqty mysaldar keltirip, áńgimesin ázilmen árlep sóıleıtin ájeniń lebizi stýdent jastarǵa qatty unady.

«Arý analar» ansamblin Klara Sarjanova «kóp balaly, kóp ultty analar toby» dep ataıdy. Shynynda da top quramynda qazaqtan bólek ýkraın, grek, tatar, orys ultynyń ókilderi jınalǵan. «Halyq ansambli» ataǵyn jeńip alǵan toptyń repertýarynda otan, týǵan jer, otbasy taqyrybyndaǵy patrıottyq ánder óte kóp eken.  

- Qazaq ánderi óte áýezdi, janyma sondaı jaqyn. О́zim ómir boıy qarapaıym qyzmet ettim. «Arý analar» tobyna qosylýym qyzyq boldy. Jetekshimiz Klara Baqtyǵalıqyzymen maǵan «Altyn alqa» belgisin tabys etken saltanatty jıynda alǵash tanystym. Meni kórgen boıda-aq «Galıa, siz án aıta bilesiz be? Bizdiń topqa qosylyńyz!» degen usynys aıtty. Árıne, birden kelistim. Sol kúnnen beri meniń ekinshi ómirim bastalǵandaı boldy, - deıdi 7 balanyń anasy, 15 nemere, 1 shóbere súıip otyrǵan Galına Zenchýrına. Ol «Oralym – dostyq qalasy» ánin erekshe shabytpen shyrqady.

Toptyń taǵy bir múshesi, «Altyn alqaly» Mánshúk Ermuqanova Mánshúk Mámetova atyndaǵy Qyzylorda qyzdar ýchılıshesinde Mádına Erálıevamen birge oqypty. Jastyq shaǵyn, stýdenttik ómirin qyzyqty baıandap bergen Mánshúk apaı da ǵıbratty áńgimesimen jastardy baýrap aldy. «Mamandyq tańdaýda jáne jar tańdaýda jańylmańyzdar, jastar! Eńbekten qashpańyzdar, úlkendi syılańyzdar! – deıdi ánshi áje.

«Arý analar» ansambliniń kórkemdik jetekshisi, Qazaqstan Respýblıkasy mádenıet qaıratkeri Ádilbek Súleımenov – el arasynda 40 jyldan asa shyrqalyp kele jatqan belgili «Áke týraly ánniń» avtory. «Arý analar» ansambliniń erekshe ónerimen kópshilik yqylasyna bólenip júrgeni de osyndaı kásibı joǵary deńgeıinen der edik. «Jas Otan» kovorkıng ortalyǵynda ótken kezdesýde de áserli ánder shyrqalyp, keshtiń kórkin kirgizdi. Ásirese stýdent qyzdarǵa bul kezdesýdiń unaǵany sondaı, ánshi ájelermen taǵy bir kezdesip, qyz tárbıesi, otbasy qundylyqtary taqyrybyna ońasha áńgime jasaýǵa ýaǵdalasyp tarasty. 


Batys Qazaqstan

Sońǵy jańalyqtar

Elordadaǵy JEO-3 bıyl iske qosylady

Elorda • Búgin, 11:10

Almatyda epıdahýal kúrdelenip barady

Koronavırýs • Búgin, 11:00

«Omıkronnyń» bastapqy belgileri qandaı?

Koronavırýs • Búgin, 10:50

Dúısenbige arnalǵan aýa raıy boljamy

Aýa raıy • Búgin, 09:25

«Sary» aımaqta Túrkistan oblysy tur

Koronavırýs • Búgin, 09:10

Oıyn-saýyq ortalyqtary jumysyn toqtatty

Koronavırýs • Búgin, 09:00

Jetisýda juqpaly indettiń ekpini qatty

Koronavırýs • Búgin, 08:57

Koronavırýs qaıta kúsheıdi

Koronavırýs • Búgin, 08:54

Ońtaılysy – onlaın oqý

Aımaqtar • Búgin, 08:53

Qyzmet túrleriniń tizbesin keńeıtti

Ekonomıka • Búgin, 08:50

Sapa artpaıynsha, sýbsıdııa joq

Aımaqtar • Búgin, 08:45

Koronavırýs qaıta órshidi

Álem • Búgin, 08:42

Antıbıotıkti orynsyz qoldaný qaýipti

Medısına • Búgin, 08:35

Vırýs juqtyrý azaımaı tur

Koronavırýs • Búgin, 08:30

Asyǵys sheshim

Qazaqstan • Búgin, 08:15

Kómek kórsetiledi

Qoǵam • Búgin, 08:10

Qor strategııasy ázirlenedi

Qazaqstan • Búgin, 08:00

Uqsas jańalyqtar