Aımaqtar • 01 Mamyr, 2019

BI Group kompanııasy Shymkentte bıznes-klasty turǵyn úı keshenin salady

796 ret kórsetildi

Otandyq qurylys salasyndaǵy jetekshi kompanııalardyń biri – «BI Group» Shymkent qalasynda «Tamerlan Residence» turǵyn úı keshenin turǵyzbaq.

Osyǵan oraı atalǵan kásiporyn bıznes-klasty turǵyn úı kesheni qurlysynyń tanystyrylymyn ótkizdi. Saltanatty sharaǵa  Shymkent qalasynyń ákimi Ǵabıdolla Ábdirahymovtyń qatysyp, jańa nysannyń jumysyna sáttilik tiledi.

Shahardyń ákimshilik-iskerlik ortalyǵy aýmaǵyndaǵy Báıterekov kóshesiniń boıynda ornalasqan turǵyn úı kesheni 51 myń sharshy metrdi qurap, onda barlyǵy 349 páter salynbaq. Joba boıynsha úıdiń 7 blogy men eki deńgeıli jerasty parkıngi bolmaq.

«Búgin qalamyzda erekshe oqıǵa. Jańa turǵyn úı kesheniniń qurylysy bastaldy. BI Group kompanııasyna alǵys bildiremin. Atalǵan kompanııa qalada birneshe jobany sátti júzege asyryp keledi. Onyń biri - kelesi jyly saltanatty túrde ashylatyn Kongress holl. Qala turǵyndaryna jaıly baspana salý isin qolǵa alyp otyr», dedi shahar basshysy.

Kompanııa jaýaptylarynyń aıtýynsha bıznes-klasty turǵyn úı keshenine jumsalatyn qurylys materıaldary da zaman talabyn saı tańdalady. Máselen, 12-16 qabatty ǵımarattardyń qurylysyna travertın men granıt sekildi tabıǵı materıaldar paıdalanylady. Ol jasyl aýlalar men keshen ishinde úılesimdi orta qalyptastyrady.

Shymkent


Sońǵy jańalyqtar

Kabýlda jarylys boldy

Oqıǵa • Keshe

Almatyda baqylaý kúsheıtildi

Koronavırýs • Keshe

Tiliksiz ota jasaldy

Medısına • Keshe

Uqsas jańalyqtar