Forýmnyń ashylý saltanatynda Oblystyq jastar saıasaty basqarmasynyń basshysy Marat Jurqabaev jastardy oblys ákimi Arhımed Muhambetovtyń atynan quttyqtap, forým jumysyna sáttilik tiledi. Arqalyq qalasynyń ákimi Eldar Kúzembaev quttyqtaý sózinde oblystaǵy Arqalyq jas qala ekenin, onda jumys isteıtin jáne oqıtyn 4 myń jas turatynyn aıtty. Eki kúnge sozylǵan forýmnyń alǵashqy kúni oblystyń barlyq shalǵaıynan jınalǵan jastar Arqalyq óńirindegi sakraldy oryndarǵa bardy jáne óńirdegi iri óndiris kásiporyndary men uıymdardy aralap, aýyl sharýashylyǵyndaǵy iri jobalarmen tanysty.
Ekinshi kúni forýmǵa jınalǵan ómirdiń barlyq salasyndaǵy jumysshy jastar, qyzmetkerler tórt seksııaǵa bólinip, onyń jumysyn arnaıy Astanadan shaqyrylǵan spıkerler Danııl Faızýllaev, Almas Kúmisqalıev, Aslan Tólenov, Danıel Dýshmanov júrgizdi. Onda jastardyń kóshbasshylyǵy, áleýmettik jelilerdegi jastar saıasaty, jeke tıimdilik, tehnologııalyq kásipkerlik jóninde jáne aýyl jastary úshin ózekti degen taqyryptarǵa áńgime órbidi, trenıngter ótkizildi. Forýmda aýyl jastaryna tıimdi kásibı baǵdarlar berildi, ol óndiristerde ınnovasııalyq jobalar jasaýǵa qanattandyrady, jastar bıznesiniń órisin keńeıtip, olardyń tulǵalyq jáne ıntellektýaldyq áleýetiniń artýyna yqpal etetin bolady.
