Máselen, M. Qozybaev atyndaǵy Soltústik Qazaqstan memlekettik ýnıversıtetinde bilim alatyn 7 myń stýdenttiń jartysyna jýyǵy ózge óńirlerden kelgen. 1776 stýdent jataqhana kezegine jazylǵan.
Aımaq basshysy Qumar Aqsaqalov stýdent-jastarmen kezdesip, ınvestorlar jataqhana salý jumystaryna belsene aralasatynyn jetkizdi.
«Elbasynyń «5 áleýmettik bastamasy» aıasynda biz ýnıversıtet basshylyǵymen birlesip, problemaly jaıtty keshendi sheshýdi oılastyryp otyrmyz. Sóıtip, bir jyldyń ishinde 610 stýdentti baspanamen qamtıtyn bolamyz. Iаǵnı, oryn jetispeýshiligi 34 paıyzǵa qysqarady», dedi Qumar Irgebaıuly.
Petropavldyq qarjyger Denıs Bernat 1700 orynǵa shaqtalǵan 4 jataqhana turǵyzýdy belgilese, jýyrda 280 oryndy turǵyn-jaı paıdalanýǵa berildi. Eki qabatty stýdentter úıi qajetti jıhazdarmen jabdyqtalyp, alańsyz bilim alýǵa barlyq jaǵdaı jasalǵan. Jańa oqý jylynda 330 oryndy taǵy bir jataqhana iske qosylady.
