Pikir almasý barysynda taraptar sheteldik ınvestorlardyń quqyqtaryn qorǵaýdyń ózekti máselelerin, sondaı-aq Ekinshi qazaqstan-brıtan ınvestısııalyq forýmyn ótkizý boıynsha daıyndyq máselelerin talqylady. Bul is-shara aǵymdaǵy jyldyń qazan aıynda Londonda josparlanǵan.
Syrtqy ister mınıstrliginde ótken kezdesýdiń taǵy bir taqyryby qazirgi ýaqytta Qytaıda belsendi alǵa damyp otyrǵan «Bir beldeý, bir jol» bastamasy aıasynda Qazaqstan men Ulybrıtanııanyń ózara tıimdi yntymaqtastyǵyn damytý boldy. Mundaı ózara is-qımyl barlyq taraptar úshin jańa naryqtarǵa shyǵýǵa, kapıtal men ınnovasııalyq tehnologııalardy tartý boıynsha qosymsha múmkindikter ashady. Brıtandyq tarap Lıanıýngan teńiz portynyń, Qorǵastaǵy «qurǵaq» porttyń jumysy jáne Qazaqstan men Qytaı arasyndaǵy birlesken ónerkásiptik jobalary týraly habardar etildi.
Sonymen qatar, bilim berý, densaýlyq saqtaý, sandyq tehnologııalar, aýyl sharýashylyǵy, logıstıka jáne kólik tranzıti sııaqty ekijaqty qarym-qatynastardyń perspektıvaly baǵyttary brıtandyq delegasııasynyń úlken qyzyǵýshylyǵyn týdyrdy.
Jalpy, kezdesý qorytyndysy boıynsha taraptar talqylanǵan máselelerdiń keń aýqymdy kesheni boıynsha ózara túsinistikke qol jetkizip, ekijaqty qarym-qatynastardyń barlyq spektri boıynsha strategııalyq áriptestikti odan ári nyǵaıtýǵa degen nyq umtylysyn rastady.
Ulybrıtanııa Qazaqstannyń iri ınvestorlarynyń bestigine kirýde. 2005-2018 jyldar aralyǵynda Ulybrıtanııadan jalpy tikeleı ınvestısııalar kólemi 13,3 mlrd AQSh dollaryn qurady. Qazaqstanda brıtandyq qatysýymen 860-tan astam zańdy tulǵa, fılıal men ókildikter tirkelgen, olardyń ishinde 500-den astamy belsendi qyzmet atqarýda.
Baronessa E. Nıkolsonnyń Qazaqstanǵa sapary 28 sáýirden bastap ótýde. Onyń sheńberinde brıtandyq saıasatker Atyraýdaǵy munaı-gaz forýmyna qatysyp, Premer-Mınıstr Asqar Mamın, Densaýlyq saqtaý mınıstri Eljan Birtanov, «Samuryq-Qazyna» «UÁQ» AQ Basqarma tóraǵasy Ahmetjan Esimovpen, sondaı-aq qazaqstan-brıtan iskerlik toptar ókilderimen kezdesýler ótkizdi.
