Torǵaı dalasynda qazir qyzǵaldaq maýsymy, qyzyldy-jasyldy kilem tósegendeı kóktemniń qulpyrǵan shaǵy. Amangeldi poselkesiniń irgesine aq shańqan úıler jaǵalaı tigilgen. Elbasy Nursultan Nazarbaevtyń «Uly dalanyń jeti qyry» atty maqalasy aıasynda ótken merekege jınalǵandardy oblystyq mádenıet basqarmasynyń basshysy Erlan Qalmaqov oblys ákimi Arhımed Muhambetovtyń atynan qyzǵaldaqtar merekesimen quttyqtady.
Aýdan ákimi Ámirhan Asanov qyzǵaldaqtar merekesi jas urpaqty týǵan jerge patrıottyq sezimde tárbıeleýdegi úlken shara ekenin aıtty.
Halqymyzdyń rýhanı ómirimen astasqan tabıǵat baılyǵy qyzǵaldaq qazaq jeriniń bir maqtanyshy bolyp sanalady. Qyzǵaldaq festıvalinde halqymyzdyń dástúrleri men saltyn jańǵyrtqan qolónershiler, zergerler óz qolynan shyqqan óner buıymdaryn kópshilikke kórsetti. Olardyń qalaı jasalatynyn qyzyqtaýshylar kóp boldy. Aıtys, at jarys, balýan kúresi, qyz qýý, toǵyz qumalaq jarysy, konsert festıval qyzyǵyn eseleı tústi.
«Festıval óte mazmundy, qyzyq bolyp jatyr. Qystan kysylyp shyqqan halyq silkinip, kóńil kóterilip qaldy», deıdi Amangeldi aýdanynyń turǵyny Tólebaev Serik.
Amangeldi aýdanyndaǵy Toıtóbe naǵyz mereke mekenine aınaldy.
