Jaǵa ustatar qylmystar
Beısenbi, 23 mamyr 2013 2:40
Merki aýdanyndaǵy shaǵyn ǵana sharýasy bar bir kásipkerdiń úıine qandyqol qaraqshylar tún ishinde basa-kóktep kirip, úı ıesiniń áıeli men kelinin baltalap óltirip, al otaǵasy men balasyn aýyr jaraqattap, 3 mıllıonǵa jýyq teńgesin úptep ketkeni týraly habardy estigende jaǵamyzdy bir ustaǵanbyz.
Beısenbi, 23 mamyr 2013 2:40
Merki aýdanyndaǵy shaǵyn ǵana sharýasy bar bir kásipkerdiń úıine qandyqol qaraqshylar tún ishinde basa-kóktep kirip, úı ıesiniń áıeli men kelinin baltalap óltirip, al otaǵasy men balasyn aýyr jaraqattap, 3 mıllıonǵa jýyq teńgesin úptep ketkeni týraly habardy estigende jaǵamyzdy bir ustaǵanbyz.
Jaqynda Shý aýdanynda taǵy bir sumdyq oqıǵa boldy. Elý jastan endi asqan áke óz ulynyń qolynan kóz jumdy. Oqıǵa bylaı bolypty. 27 jastaǵy jigitsymaq ákesiniń «jumys istemeısiń», «araqqa qumarsyń» degen sózine bola aǵashpen uryp óltirgen. Sosyn ólip jatqan ákesine qaramastan, araq izdep ketken.
Já, Jambyldaǵy qylmysty qylmys delik, al salaqtyqtyń saldarynan dúnıemen qoshtasqandarǵa ne deýge bolady? Buǵan kim kináli? Muny dál basyp aıtý qıyn. Biraq qaza tapqan adam gaz qubyryn tartýshylar qazyp ketken tereń orǵa túsken. Sol kezde ordyń shetindegi úıindi topyraq qulap, ony tirideı kómip qalǵan. Ony qutqarmaq bolǵan aǵaıyndary da ajal qushty. Sóıtip, tórt azamat oqıǵa bolǵan jerde kóz jumdy.
Oblystyq tótenshe jaǵdaılar departamenti qyzmetkerleriniń aıtýynsha, marqumdardyń múrdesi arnaıy tehnıkanyń kómegimen qazylyp alynǵan.
Kósemáli SÁTTIBAIULY,
«Egemen Qazaqstan».
Jambyl oblysy.
