Bir qorap temeki kelesi jyly 93 paıyzǵa qymbattaıdy
Juma, 31 mamyr 2013 2:29
Eresek qazaqstandyqtardyń 26,5 paıyzy qazir temekige táýeldi bolyp otyr. Budan bólek, jurttyń 62,2 paıyzy oqta-tekte bolsa da aýzyna temeki salady. Al kún saıyn shylym shegetinderdiń shamasy 20,3 paıyzdy quraıdy. Sonymen birge, shegýshilerdiń 25,9 paıyzy temekini qoıa almaı júr. Bul týraly Almaty qalalyq salamatty ómir saltyn qalyptastyrý ortalyǵynyń dırektory Gúlsara Súleımenovanyń deregine silteme jasaǵan BNews.kz habarlady.
Juma, 31 mamyr 2013 2:29
Eresek qazaqstandyqtardyń 26,5 paıyzy qazir temekige táýeldi bolyp otyr. Budan bólek, jurttyń 62,2 paıyzy oqta-tekte bolsa da aýzyna temeki salady. Al kún saıyn shylym shegetinderdiń shamasy 20,3 paıyzdy quraıdy. Sonymen birge, shegýshilerdiń 25,9 paıyzy temekini qoıa almaı júr. Bul týraly Almaty qalalyq salamatty ómir saltyn qalyptastyrý ortalyǵynyń dırektory Gúlsara Súleımenovanyń deregine silteme jasaǵan BNews.kz habarlady.
Búgingi tańda temekiniń zardabynan álemde kún saıyn orta eseppen 14 adam qaıtys bolady. Búkilálemdik densaýlyq saqtaý uıymynyń deregi osyndaı. Dárigerler temekini HHI ǵasyrdyń basty problemalarynyń biri sanap otyr.
Sońǵy jarty jyldyń kóleminde respýblıkada temekimen kúresti kúsheıtý maqsatynda onyń aksızderi baǵasyn kezeń-kezeńimen kóterý sharasy júrgizilýde. Osy tártippen kelesi jyly bir qorap temekiniń baǵasy eki esege deıin ósýi múmkin. Atap aıtqanda, 2014 jyly onyń qunyn 93 paıyzǵa kóterý mejelenip otyr.
Qazaqstanda densaýlyq saqtaý salasy boıynsha zańnamalardy jaqsartýda aıtarlyqtaı ilgeri jyljýshylyqtar bolǵanymen, temekiniń baǵasyn kóterý jóninde sheshilmegen ózekti máseleler áli de bar.
«Bizdiń elimizde temekiniń baǵasy orta eseppen 66 sentti quraıdy. Bul – álem boıynsha orta baǵadan edáýir tómen. Biz mundaı baǵanyń turǵyndardyń basym bóligi úshin, ásirese, jastarǵa qoljetimdi ekenin jaqsy túsinemiz», deıdi Salamatty ómir saltyn qalyptastyrý problemalary jónindegi ulttyq ortalyqtyń dırektory Jámıla Battaqova.
Onyń sózine qaraǵanda, Úkimet mınıstrlik ókilderiniń qatysýymen otyrys ótkizip, onda temeki ónimderiniń baǵasyn birtindep kóterý máselesi talqylanǵan kórinedi. Sheneýnikterdiń oıynsha, 2020 jylǵa qaraı Qazaqstanda temeki shegýshilerdiń sany aıtarlyqtaı azaıýǵa tıis.
«Temeki qorabynyń syrtyna onyń zııandylyǵyn atap kórsetetin grafıkalyq beıneler engizý jónindegi Úkimet qaýlysy 2011 jyly qabyldandy. Osyǵan oraı nıkotın ónimderin óndirýshilerge óz óndiristerin qaıta qurýǵa 18 aı merzim berildi. Sóıtip, qorqynyshty sýretter beınelengen ónimder aldaǵy shilde aıynan bastap saýda sórelerine shyǵarylýǵa tıis bolatyn. Degenmen, kóptegen temeki kompanııalary buǵan qatysty óndiristerin sáýir aıynan bastap ketti», dep málimdedi Almatyda búkilálemdik temeki tartpaý kúnine arnalǵan baspasóz máslıhatynda J.Battaqova.
Onyń aıtýy boıynsha, mundaı temeki ónimderi ımport pen eksportqa shyǵarylatyn taýarlardyń barlyǵynda da qoldanylady. Sonyń ishinde adamǵa barynsha qatty áser etetinderi retinde Taıland pen Brazılııada qoldanylǵan 12 qorqynyshty sýret tańdap alyndy.
Qazirgi tańda elimizdegi temeki shegýmen kúreste túrli aıyppuldar salý júıesi júzege asyrylýda. Almaty qalasynda ústimizdegi jyldyń alǵashqy 4 aıynda 1301 kámeletke tolmaǵan jas qoǵamdyq oryndarda temeki shekkenderi úshin ákimshilik jaýapkershilikke tartyldy. Almaty qalasy ákimshilik polısııasy basqarma bastyǵynyń orynbasary Birlik Moldabaevtyń aıtýy boıynsha, qaladaǵy saýda núktelerine jasalǵan reıdterdiń barysynda 44 tártip buzýshylyq faktisi anyqtaldy.
«Reıd barysynda sondaı-aq oıyn-saýyq mekemesiniń dırektory ákimshilik jazaǵa tartyldy. Sonymen qatar, jastary kámeletke tolmaǵandardy túngi mezgilde oıyn-saýyq oryndaryna jibergen 20 adamǵa qatysty arnaıy sharalar qoldanyldy», dep túıindedi sózin B.Moldabaev.
Murat AITQOJA.
