Gúlnár Mirjaqypqyzy DÝLATOVA

Sársenbi, 20 aqpan 2013 7:25

2013 jyldyń 18 aqpanynda 98 jasqa qaraǵan shaǵynda Alash­tyń aıaýly uldarynyń sońǵy urpaqtarynyń biri Gúlnár Mir­ja­qyp­qy­zy Dýlatova apamyz ómirden ótti.
G.Dýlatova 1915 jylǵy 4 qarashada Alashtyń ar­daqty uly Mir­ja­qyp Dýlatov pen onyń aıaýly jary Ǵaınıjamal Dosymbe­kova­nyń otbasynda dúnıege kelgen. 1939 jyly Almaty mem­le­kettik medısına ınstıtýtyn bitirgennen keıin úzdiksiz 48 jyl boıy dáriger-dermatolog bolyp qyzmet istedi. Mamandyǵyna saı eńbek ete júrip qazaqtyń qaısar qyzy HH ǵasyrdyń basyndaǵy qazaq zııa­ly qaýymy ókilderiniń, ıaǵnı Alash arystarynyń aqta­lýyna uıyt­qy boldy.

Sársenbi, 20 aqpan 2013 7:25

2013 jyldyń 18 aqpanynda 98 jasqa qaraǵan shaǵynda Alash­tyń aıaýly uldarynyń sońǵy urpaqtarynyń biri Gúlnár Mir­ja­qyp­qy­zy Dýlatova apamyz ómirden ótti.
G.Dýlatova 1915 jylǵy 4 qarashada Alashtyń ar­daqty uly Mir­ja­qyp Dýlatov pen onyń aıaýly jary Ǵaınıjamal Dosymbe­kova­nyń otbasynda dúnıege kelgen. 1939 jyly Almaty mem­le­kettik medısına ınstıtýtyn bitirgennen keıin úzdiksiz 48 jyl boıy dáriger-dermatolog bolyp qyzmet istedi. Mamandyǵyna saı eńbek ete júrip qazaqtyń qaısar qyzy HH ǵasyrdyń basyndaǵy qazaq zııa­ly qaýymy ókilderiniń, ıaǵnı Alash arystarynyń aqta­lýyna uıyt­qy boldy. Sóıtip, ol alǵash ret stalındik repressııa qurban­daryn saıası aqtaý komı­tetine Álıhan Bókeıhanov, Ahmet Baıtur­synov, Mirjaqyp Dýlatov, Jú­sipbek Aımaýytov jáne t.b. qoǵam qaırat­kerlerine qatysty materıaldardy joldady. Olar aqtalǵannan keıin G.Dýlatova Qazaqstan mura­jaılaryna (Ortalyq murajaı, Torǵaıdaǵy A.Baıtursynov jáne M.Dýlatov atyn­daǵy murajaı, Qostanaı, Semeı, Astana qalalaryndaǵy murajaılar) kóptegen eksponattar berdi.

G.Dýlatova áke jolyn qýyp, qolyna qalam alyp, artyna mol mura qaldyrdy. Ol 1988 jyldan bastap keshegi kúnge deıin merzimdi baspa­sóz betterine kóptegen maqalalar, ocherkter, estelik-esseler jazyp turdy. Apamyzdyń qarymdy qalamynan týǵan Alash arystarynyń ómir belesteri sýrettelgen bul dúnıeler jınaqta­lyp, «Alashtyń sónbes jul­dyzdary» (2010 j.), «Shyndyq shyra­ǵy»  (2012 j.) degen atpen jeke kitaptar bolyp jaryqqa shyqty.
G.Dýlatova Qazaqstan jáne shetel ǵalymdarynyń ádebı, tarıhı-etnografııalyq zertteýlerine úlken úles qosty. Ákesi Mirjaqyp Dýlatovtyń birneshe shyǵarmalar jınaǵyn qurastyrdy. 2010 jyly respýblıkada medısınalyq bilim berýdi damytýǵa qosqan úlesi úshin S.Asfendııarov atyndaǵy Qazaq ulttyq medısına ýnıver­sıte­tiniń Altyn medali berildi. Gúlnár Mirjaqyp­qy­zy sondaı-aq aıryqsha eńbegi úshin 2011 jyly Alash arysy Álı­han Bókeıhanov atyndaǵy táýelsiz qoǵamdyq tósbelgimen marapattaldy.
Alash arystarynyń kózin kórgen, olardyń aqtalýyna sanaly ǵumyryn arnaǵan aıaýly jan Gúlnár Mirjaqypqyzy Dýlatova ony biletinderdiń jadynda árdaıym saqtalady.

Qazaqstan Jazýshylar odaǵy.

Alpys jyl aqylyn aıtqan apamyz edi

Jaqsy adammen jaqyn júrý – taǵdyrdyń syıy. Gúlnár apaımen alpys jyldaı aralasyp, osynaý turǵan boıy ónege adammen jaqyn júrgenimizdi ózimizdiń baqytymyz sanaımyz. Gúlekeńniń jary Áben aǵamyz «Sosıalıstik Qazaqstanda» qyzmet atqarǵanda meniń joldasym Balǵabek Qy­dyr­­bekulyn baýyryna tartqan azamat. Sonda tanysa kelip, Gúl­nár apamyzdyń ákesi – qazaq­tyń uly perzenti Mirjaqyp Dýla­tov pen meniń ákem Seıdaly Ora­zalınniń taǵdyrlastyǵyn bilgennen keıin aralasymyz jaqyndyqqa aınalǵan. Meniń ákem de Alashorda qatarynda bol­ǵandyqtan, 1928-1929 jyl­dar­dyń alasapyranynda Aqtóbe jaǵynan ustalsa, Torǵaı jaǵynan Mirjaqyp atamyz ustalǵan eken. Onyń aıaǵy nege soqtyrǵany belgili.
Taǵdyr qansha aýyrtpalyqty basyna úıip-tókse de, Gúlnár Mirjaqypqyzy apamyzdyń sonyń bárin úlken parasattylyqpen, aqylmen jeńgenine tańǵalasyń. «Halyq jaýynyń» qyzy ataný ońaı emes. Jáne ol jaı kóptiń biri emes, Alashorda kóseminiń, aty atalýǵa tyıym salynǵan adamnyń qyzyna jurttyń kózqarasy bel­gili. Taǵdyryna ókpelep, kúı­ge­lektikke urynbaı, bárine sabyrmen qarap, otbasynyń bere­kesin ortaıtpaı, urpaǵynyń ósip-órkendeýine barlyq jaǵdaı jasaǵan Gúlnár apaıdyń ómirin tek úlken azamattyq erlik dep baǵalasaq jón.
Gúlnár apaı meni bir jaǵynan kelinimsiń, bir jaǵynan sińlimsiń dep erkeletetin. Otbasymyzdyń barlyq qýanyshyna ortaqtasyp, qıyndyqty birge bóliskeni bizge kúsh berip, rýhymyzdy kóteretin. Bul kisiniń árbir ónegeli isi jadymyzda jattalyp, sanamyzǵa siń­gen. Gúlnár apamyzdan jurt­pen aralasýdy, syılasýdy, aı­na­lamyzǵa parasattylyqpen qa­raýdy úırendik. Tek bizge ǵana emes, bul kisiniń talaılarǵa óne­gesi daryp, shapaǵaty tıgenine kýámiz.
Ardaqty apamyz biraz jas jasady. Alla taǵala bul adamnyń basqalarǵa shapaǵaty kóbirek tısin degen shyǵar. Bul fánıdegi jaqsylyqqa toly ómiriniń baqılyq ómirine qaıyrymy bolary anyq dep oılaımyz. Artynda qalǵan urpaǵyna bul qazanyń halyqqa ortaq ekenin, ony biletinderdiń barlyǵy aıaýly apamyzdyń nury peıishte shalqysyn dep tileıtinin aıtqymyz keledi.
Sapýra QYDYRBEKKELINI, ardager ustaz.

Qaıran, Gúlnár apaı!..

Alǵashqy maqalalarym «Sosıalıstik Qazaqstanda» basyla bastaǵan kezde (1948 j.) meni jaqyn tartyp, baýyryna basqan aǵalarymnyń ishinde Muqan Imanjanov pen Áben Satybaldıevtiń ózindik orny bar edi. Ábekeń sol kezde-aq jasy basqalardan úlkendeý, ómirlik tájirıbesi de mol, aqyl-parasaty keń, dúnıeniń syryn uǵynǵan adamǵa uqsaıtyn. Muqań da ony erekshe syılady. 1956 jyly drama teatrynyń sahnasynda Muqańnyń «Meniń mahabbatym» atty pesasy qoıylyp, soǵan joldastary jıylyp-tógilip barǵanymyz esimde. Gúlnár apaıdy sonda birinshi ret kórdik. Ol kisi de júzi jyly, aınalasyna aıaly kózben qaraıtyn, aqyl-parasaty tógilip, nur seýip turatyn adam eken. Bizdi de tez tanyp, baýyr basyp ketti. Sodan beri qarym-qatynasymyz úzilgen emes. Balalary da bizdiń kóz aldymyzda ósti. Qonaqjaı, kópshil, ónegesi, úlgisi mol dastarqanyn da bólistik.
Biraq, ol kezde Gúlnárdiń Mirjaqyptyń qyzy ekenin bilgen emespiz. Olardyń ózi de kóp ashylyp aıta bermeıtin. Sol bir tusta Ábeńdi dramteatrǵa dırektorlyqqa usynǵanmen ótkizbeı tastap, onyń áıeli Mirjaqyptyń qyzy ekenin sonda ǵana estidim. Men Nurymbet Jandildınmen de sóılesip kórdim. Biraq, qatal zamannyń tártibin buzýǵa bara almady. Al, Mirjaqyp tvorchestvosymen men eki ret tanysqanmyn. HH ǵasyr ádebıetin zerttegen tustarymda onyń kitaptaryn oqyǵanmyn. Biraq, bul taqyrypqa Ábeńmen aramyzda áńgime aıtylmady. Úndemegen qalpymyzda syılastyǵymyzdy jalǵastyrdyq.
80-shi jyldardyń aıaq kezinde Alashordanyń aqyn-jazýshylary aqtala bastaǵanda Mirjaqyp týraly áńgime birden qozǵalmady. Ahmet, Shákárim, Júsipbek, Maǵjan aqtalǵannan keıin ǵana Gúlnár men meni qatystyra otyryp, О́zbekáli Jánibekov osy máseleni aqyldasty. Máseleniń qaı jaǵynan kelý jeńil bolatynyn, qıyndyǵyn biraz barladyq. Sóıtip, Mirjaqypty aqtaýǵa bet burdyq. Alǵashqy málimetti daıyndaǵan Jumaǵalı Ysmaǵulov ekeýmiz edik. Gúlekeń de kóp derekter berdi. Aqyry, qudaı ońdap, Mirjaqyp aqtaldy. Kitaptaryn bastyq. Onyń shyǵarmashylyǵy jaıly zertteýler jasadyq. Osydan bastap Gúlekeńniń jasarǵany kóz aldymyzda. Sol qýat, úmit oty ony 98 jasqa jetkizdi. Eskiniń bárin biletin kári tarıh apaıdyń aýzymen jaryqqa shyǵyp, Mirjaqyp pen onyń zamandastary jaıly birneshe kitap jazyldy. Apaıdyń kóńilin kóterip, oıyndaǵysyn aıtyp ketýge múmkindik bergen taǵdyrǵa qalaı rıza bolmassyń. Onyń kitaptary táýelsizdiktiń shyn tarıhy men erleri jónindegi alǵashqy tutas áńgimeniń basy edi. Onda qyzǵylyqty oqıǵa da, adam da, adamdyqtyń syny da shynaıy mol bolatyn. Gúlekeńdi janyndaı jaqsy kóretin Álııa Beısenova sińlisiniń sol kitaptar jáne onyń avtory jaıly birneshe maqala bastyrýy da osydan.
Qosh, qaıran Gúlnár apaı. Aldyń jaryq, topyraǵyń torqa bolsyn.
Serik QIRABAEV,  akademık.

Qosh, halqymnyń asyl qyzy

Otarshyldyq saıasat tusynda «Oıan, qazaq!» kitabymen dabyl qaǵyp, halqyn dúr silkindirgen Mirjaqyp Dýlatovtyń jalǵyz tuıaǵy Gúlnár jeńgeı jasy 100-ge taıanǵanda fánı dúnıeden ótti. Alystaǵy aýyldan Almatyǵa oqý izdep, talap qýyp kelgenimde 1961 jyly Gúlnár jeńgeımen jaýynger jazýshy Baýyrjan Momyshuly tanystyryp, qonaq ústinde Mirjaqyp Dýlatovtyń óleńderin birinen soń birin jatqa oqyp, jabýly jatqan shyndyqtyń betin ashyp, tańǵaldyrǵan edi. О́ıtkeni, M.Dýlatov týraly jurt aýyz ashýǵa seskenetin tusta qonaqta keıbir ádebıet synynyń «polıseıleri» otyrǵanyna qaramaı, áńgime tıegin aǵytqany kúni búginge deıin kóz aldymda.
– Áı Mekemtas, Gúlnár kelin jaqyn jeńgeń bolady, syılasyp, syrlasyp júr. Búgingi bizdiń áýlettiń eń ozyq ónegeli, ádepti kelini, ákesi arys Mirjaqyptyń:
«Men bitken oıpań jerge
alasa aǵash,
Emespin jemisi kóp tamasha aǵash.
Qalǵansha jarty jańqam men seniki,
Paıdalan sharýańa jarasa, Alash!», – degen óleń sóziniń patrıottyq rýhtyq otty lebi alaýlap turady. Uqtyń ba?! – dep qadala qaraǵan edi.
Gúlnár jeńgeı rýhanı qysymnyń bar túrine shydas berip, Alash arystary týraly asa qundy derek kózderin qalyń oqyrman qaýymǵa tabystap ketti. Birneshe qundy kitaptar jazyp, óshýge aınalǵan tarıhı sanamyzdyń oralýyna, ulttyq sanamyzdyń oıanýyna aıanbaı eńbek etti.
Gúlnár jeńgeıdiń uly maqsaty men armany Alash arystarynyń rýhanı murasyn tarıh qoınaýynan qaıtaryp, halqyna qyzmet ettirý edi. Armanyna jetti. Halqynyń júreginde sózi qaldy. Halqynyń aıaýly qyzy, ulttyq rýhtyń tálimger jarshysy Gúlnár jeńgeı ómirden ótse de, rýhy bizben birge máńgi jasaı bermek. Qosh bol, halqymnyń aıaýly asyl qyzy.
Mekemtas MYRZAHMETULY, professor.

Tektiniń tuıaǵy

1957 jyly Ýfa qalasynda ǵylymı issaparda júrip, sol jerde órtengeli jatqan qazaqtyń kónekóz 700 kitabyn elge jetkizýge sebepshi bolyp edim. Solardyń ishinde Mirjaqyptyń da kitaptary bar bolatyn. «Baqytsyz Jamal» men «Oıan, qazaq!». Sol qundy dúnıelerdi kórýge Mirjaqyp Dýlatovtyń kúıeý balasy Áben Satybaldıev degen kisimen birge Gúlnár apaı da kelgen edi. Ákesinen qalǵan osy qımas jádigerlerdi kórip, sol joly óziniń balalyq shaǵyn, otbasyn esine alyp, Gúlnár apaı maýqyn bir basqany bar. Men Gúlnár apaımen, onyń otbasymen sol kezden bastap aralasa bastadym.
Gúlnár apaıdyń baǵy – ákesiniń aqtalǵanyn kórýmen qatar, Alash qaıratkerleri týraly tolymdy eńbek pen qundy derekterdi keıingi urpaqqa qaldyra bilgeni. Gúlnár apaı taǵdyrdyń ashy dámin tatty. Búkil ómiri aqıqat jolynda kúresýmen ótti. Qara jer kótere almaıtyndaı sumdyq aýyrtpalyqqa qabyrǵasy qaıysyp qarsy tura bildi.
Gúlnár Mirjaqypqyzy Dýlatova qazaq ultyna jasalǵan qanquıly qasiretti istiń 100 jasaǵan kýágeri edi. Ol kisi qazaqtyń azat el bolǵanyn kózben kórip ketti. Ákeleriniń óz ulty úshin bastaǵan qasıetti isi men aqadal tilegin búgingi urpaqqa jetkizip ketken Gúlnár apaıdyń aldy jaryq, arty kenish bolsyn deımin!
Imandy bolyńyz, Gúlnár apa! Baqul bol, qazaqtyń qamqorshy qaısar qyzy!
Tursynbek KÁKIShEV,
fılologııa ǵylymdarynyń doktory.

 Bir ózi bir ýnıversıtet, tiri tarıh

Qabyrǵańdy qaıystyryp ketetin qaıǵyly habar – qazanyń jeńili joq. Al, Gúlnár Mirjaqypqyzy Dýlatovanyń ómirden ótýi tipten aýyr. О́te aýyr. Mirjaqyp Dýlatov syndy alash arysynyń qyzy, Áben Satybaldıev sekildi qaıratker qalamgerdiń jary, Erlan Satybaldıev sııaqty aqıyq azamattyń anasy Gúlnár  anamyz tulpardyń tuıaǵy, suńqardyń qııaǵy edi. Bir ózi bir ýnıversıtet, tiri tarıh, bitimi bólek bekzat anamyz ómirdiń talaı synynan ótti, synbady. «Halyq jaýynyń qyzy» dep qýǵyn-súrgin kórgen azapty, aýyr jyldarda da ákesi Mirjaqyp jaqqan azattyq otyn óshirmeı, alash arystarynyń murasyn kóziniń qarashyǵyndaı saqtap, búgingi kúnge jetkizdi.
«Jıyrmasynshy ǵasyr» atty roman-epopeıamda ultymyzdyń uly tulǵalary Álıhan, Ahmet, Mirjaqyp beınelerin somdaǵan edim. Sol eńbegime apamyz asa joǵary baǵa berip, jas balasha qýanyp edi. 2010 jyly anam Maǵrıpa Ábenkelini qaıtys bolǵanda telefon shalyp, kóńil aıtýmen shektelmeı, uly Erlan arqyly hat joldaǵanyn umytqan joqpyn. Bul da tektiliktiń bir belgisi bolsa kerek.
Janyń jánnatta bolsyn, asyl Ana!
Sábıt DOSANOV, jazýshy.

Qos ǵasyrdyń shejireshisi

О́lmeıtindeı kórinetin adamdar bar shyǵar dep oılaýshy edim… Gúlnár apam da sondaıdyń soıynan edi-aý! Ajal quryǵynan eshkimniń de qutylmasyn bilsek te qımastyq sezim úmit úzgizbeı, tym qurymasa, endi birer jylda ǵasyrlyq ǵumyrdyń qanjyǵasyna iliktire kór dep, Alladan tilep jalbarynatynbyz. Gúlnár apamnyń 95 jyldyq toıynda «100-ge kelińiz!» – dep báıek bolǵanymyzda, qos ǵasyrdyń taýqymeti aǵartqan kúmisteı appaq shashty basyn kúlimdeı ızep, keremet dáıekti sózin urpaqtaryna arnap aıtqan edi. «Alash arys­tary armandaǵan Táýelsizdigimizdiń týyn jyqpaı, nyq ustańdar!» – dep, jıyrma jasynda aıyrylǵan Mirjaqyp ákesi, otyzynda kóz jazyp qalǵan Ǵaınıjamal anasy, «atakelep» tizelerine erkelep otyrǵan Álıhan Bókeıhanov, Ahmet Baıtursynov atalary esine túskendeı, janary botalap ketken-tin…
Qudaıym-aý! Alash alyptarynyń kózin kórip, sózin estip, aqylyn tyńdaǵan, sol jadynda qalǵandaryn tom-tom kitap etip bastyrǵan Gúlnár apamnan basqa kim qalypty endi, tulpardyń tuıaqtarynan?! Dara edi, dańqty edi, darqan edi, meniń erekshe jaratylysty asyl apam! Qos ǵasyrdyń shejiresin jazyp ketken talantty, daryndy bolatyn. Kókiregi altyn kómbe edi-aý! Quddy, Mirjaqyp ákesindeı sabyrly minezdi, ótkir tildi, aqyl-oıy darııadaı, qushaǵyna búkil elin syıdyratyn meıirimdi uly ana bop attanyp kettiń-aý, apa, ǵapylda.
Asyldyń tuıaǵy, qaıran apa! О́zińniń týǵan kúniń 4 qarashada Mirjaqyp ákeń aqtalyp, kúzdiń shelektep quıǵan qara jańbyryna kóz jasyńdy baqyrashtap qosa tókkenińdi tarıh kórdi!.. Sol sebepti usynady endi, árdaıym Tórdi!
Endi qaıtip, Elińniń urpaqtary jylamasyn! Siz kórgen qorlyq, japany bilmesin!
Tasqa tamyryn tereń jibergen dara shynarym, Gúlnár apa! О́lmeıtindeı kórinip edińiz!… Qaıteıin!.. Ákeńizdiń múrdesin ózińiz jat jerden ákelip, máńgi jaıǵastyrǵan kári Torǵaıyń qaraly basyn tómen salyp: «Qosh, qosh!» – deıdi. Baqyl bolyńyz, jan apa!
Qaısar ÁLIM, kósemsózshi.

Alash arystarynyń shyraqshysy

Gúlnár… Gúlnár apaı! Atyn aıtqanda aýyz tolatyn edi. Gúlnár Mirjaqypqyzy tektiniń tuıaǵy edi. Tuıaǵy bolǵanda jaı ǵana tuıaǵy emes, Gúlnár apaı tutas bir Alash arystarynyń izdeýshisi, joqshysy edi. Ol Alash arystaryn bólmeı, jarmaı, tolaıym joqtaıtyn.
Gúlnár Mirjaqypqyzy Alash qozǵalysynyń qaıratkerleri Álıhan Bókeıhanov, Ahmet Baıtursynuly, Mirjaqyp Dýlatov, Júsipbek Aımaýytov, taǵy basqalar týraly derekterdi alǵash jarııalaýshy. Almatydaǵy Ortalyq murajaıǵa, Torǵaıdaǵy, Semeıdegi, Astanadaǵy murajaılarǵa saıası qýǵyn-súrgin qurbandaryna qatysty olardyń jeke zattaryn, kitaptar, sýretter, hattar men qujattar, t.b. kóptegen eksponattar tapsyrǵan. Baspasózde Gúlnár Mirjaqypqyzynyń ocherkteri men esseleri 1988 jyldan jarııalana bastady. «Svet ıstıny» («Shyndyq shyraǵy») kitaby 1995 jyly, 1999 jyly eki tomdyǵy, 2010 jyly «Alashtyń sónbes juldyzdary» kitaby jaryq kórdi. Sondaı-aq, ol ákesiniń «Oıan qazaq!» (Almaty, 1989) kitabyn, 2 tomdyq shyǵarmalar jınaǵyn (Almaty, 1996, 1997), 5 tomdyq shyǵarmalar jınaǵyn (Almaty, 2004) qurastyrýshylardyń biri. Osyndaı eren eńbekti Gúlnár Mirjaqypqyzy óz talabymen, óziniń júrek qalaýymen – jeke kúreskerlik minezimen, aqysyz, pulsyz, eshkimnen qoldaý, marapat kútpeı-aq, kórmeı-aq jasady.
«QAZAQ» gazeti araǵa 88 jyl salyp, 2006 jyldyń naýryzynda qaıta shyqqanda gazettiń tuǵyry berik bolýyn, jurt súısinip oqıtyn gazetine aınalýyn, halqymyzben birge uzaq jyldar jasap, jaryqqa shyǵa berýine sát-sapar, aqjol tilep, alǵash quttyqtaǵan da Gúlnár apaı edi. О́mirge qaıta oralǵan «QAZAQ» gazetin kórip, qatty tolqyp, qýanyp turyp: «Úıge ákem kirip kelgendeı áser alǵanymdy qarashy!» dep edi.
Gúlnár apaıdyń bir ózi Alash arystarynyń sońǵy shyraqshysyndaı kórinýshi edi, arqa tutýshy edik, onyń názik júregi qazaq dese, Alash jurty dese ezilip otyrýshy edi, ultynyń tilekshisi edi… Jatqan jerińiz jaıly, topyraǵyńyz torqa bolsyn, qaıran apataıymyz. Peıishte tirlikte ańsap ótken Alash arystarymen qaýysh.
Qoǵabaı SÁRSEKEEV,
“QAZAQ” gazetiniń bas redaktory, jazýshy.

*  Otyrǵandar (soldan ońǵa qaraı) Ǵaınıjamal, Gúlnár, Mirjaqyp Dýlatovtar, Ázen (Nazıfa) О́mirtaıqyzy Aqberdına, Ǵabbas Nurymov jáne Marııam Nurymkelini. Túregelip turǵandar (soldan ońǵa qaraı) Ahmedsafa Iýsýpov, Gúlshahra (Gýlıa) Iýsýpova, Islambek О́mirtaıuly Aqberdın. Orynbor, 1924 jyl.

* Ǵaınıjamal, Gúlnár Dýlato­va­­lar. Orynbor, 1922 jyl.

* Mirjaqyptyń otbasy Semeıden Orynborǵa oralǵan, saǵynyshpen kórisken sátti beıneleıtin bul sýretke 1923 jyly túsken. Ákesin qushaqtap turǵan – Gúlnár Mirjaqypqyzy. Sýrettiń syrtynda myna sózder jazylǵan: «Anama» – naǵashylaryma Gúlnárdan» («Ana» dep naǵashy ájesin aıtady eken).
Orynbor, 1923 jyl.