Aımaqtar • 15 Mamyr, 2019

Shyǵystyń atynan án shyrqaıdy

1002 ret

kórsetildi

1 mın

oqý úshin

«Bala daýysy» ulttyq balalar án baıqaýynyń kezekti irikteýi 12 mamyrda О́skemende ótti. Mádenıet jáne sport mınıstrliginiń qoldaýymen jáne Álııa Nazarbaevanyń «Jandaný álemi» qorynyń uıymdastyrýymen shymyldyǵy túrilgen sharaǵa oblysymyzdyń túkpir-túkpirinen 100-den astam bala qatysyp, baqtaryn synady.

Azamat QASYM

Jas daryndardy qoldaýǵa baıqaýdyń 2017 jylǵy fınalısi Darına Maǵaýına arnaıy kelip, sahnaǵa shyǵyp, án shyrqap, óziniń tájirıbesimen bólisti. О́nerli balǵyndardyń qarym-qabiletin Q-pop ındýstrııasynyń jaryq juldyzy Ziruza men tanymal mýzykalyq prodıýser Farıda Nııazova baǵalady. Sonymen, baıqaýdyń aqtyq kezeńine О́skemenniń 10 jastaǵy turǵyny Ramıla Nuraldınova joldama aldy. Bul baldyrǵan 4 jasynan bastap án salyp, 6 jasynan beri mýzykalyq mekteptegi solfedjıo men xoreografııa sabaqtaryna qatysyp keledi eken. Ártúrli baıqaýlarda birneshe márte gran-prı ıegeri atanypty. Endi ol baıqaýdyń fınalynda Shyǵys Qazaqstan oblysynyń atynan óner kórsetedi. Ramıla Nuraldınova kúzde Qazaqstannyń basqa aımaqtarynyń 16 fınalısimen «Juldyzdy Arman úıinde» kezdesedi. Baıqaýdyń sýperfınalyna daıyndalý maqsatynda balalar vokal, horeografııa jáne ártistik qabiletterin arttyratyn sabaqtarǵa qatyspaq.

О́SKEMEN