Jıyndy ashqan Tuńǵysh Prezıdent - Elbasy forým barysynda jahandyq jáne óńirlik sıpattaǵy eń ózekti máseleler talqylanatyndyǵyn aıtty.
«Bul taıaý jyldardaǵy damýǵa yqpalyn tıgizetin strategııalyq máseleler. Osy jyldardyń ishinde G-Global jobalary, ekologııa máselelerin, kedeıshilikpen kúres, adamı kapıtaldy damytý, jańa energııany qosa alǵandaǵy máselelerdiń keń aýqymyn talqyǵa saldyq. О́tken jyly jahandyq syn-tegeýirinder sammıtin ótkizdik. Forým alańynda BUU Bas assambleıasynyń qoldaýymen daǵdarysqa qarsy eki konferensııa uıymdastyrdyq», dedi Tuńǵysh Prezıdent - Elbasy Nursultan Nazarbaev.
Elbasy osy ýaqytqa deıin ótken forýmdar barysynda aıtylǵan usynystar men qorytyndylar Qazaqstannyń damýyna oń yqpalyn tıgizgendigin jetkizdi.
«Osy jerde talqylanǵan usynystar men qorytyndylar kóp jaǵdaıda Qazaqstanǵa jahandyq syn-tegeýrinderge der ýaqytynda ún qatysýǵa, qıyndyqtardy jeńisti eńserýge kómektesti. Biz oı-pikirlerimiz ben aıtqan usynystarymyz ózge de óńirlerde paıdalanyldy dep oılaımyn», dedi N.Nazarbaev.
