Is-sharaǵa Mańǵystaý oblysynyń polısııa departamentiniń, qalalyq jáne aýdandyq polısııa basqarmalarynyń, jeke quramy men kadr salasyna jaýapty qyzmetkerler qatysty.
Aýmaqtyq departament basshysy N.Jannazarova kezdesý barysynda 2019-2020 j.j. arnalǵan Agenttik pen Ishki ister mınıstrligi arasyndaǵy ózara is-qımyldyń Jol kartasy, quqyq qorǵaý organdaryndaǵy sybaılas jemqorlyqqa qarsy is-qımyl máselelerin kóterip, «Atyraý – adaldyq alańy» jobalyq keńsesiniń bastamasymen qolǵa alynyp polısııa qyzmetkerlerin adal bolýǵa, ádildik pen shynshyldyqqa shaqyratyn, qoǵam ishinde oń ımıdjin qalyptastyrýǵa baǵyttalǵan «Adaldyq aınasy» jobasyn oń tájirıbe retinde usyndy.
– Jol kartasynyń jobasynda ishki ister organdaryn tutynýshyǵa baǵdarlanýǵa baǵyttalǵan jańǵyrtý qarastyrylǵan. Atap aıtqanda, aýdandyq bólimder men polısııa basqarmalarynda azamattardyń ótinishterin jedel qabyldaý úshin olardy HQKO úlgisi boıynsha ózgertý usynylady. Sybaılas jemqorlyq táýekelderin qysqartý úshin polısııa qyzmetkerlerin sıfrlandyrýdyń, sonyń ishinde joldaǵy qaýipsizdikti baqylaýdy júzege asyratyn jańa ádisteri usynylady. Jol kartasynyń jobasynda «Integrity Check» (parasattylyqty tekserý) qaǵıdaty boıynsha, sondaı-aq polıseı men azamattyń ózara is-qımyl salasynda «jasyryn satyp alýshy» ádisimen qoǵamdyq baqylaý qarastyrylǵan, dedi Agenttiktiń aýmaqtyq departamentiniń basshysy. Sondaı-aq, ol jas urpaqty adaldyqqa tárbıeleý jáne jurtshylyqtyń áleýmettik jaýapkershiligin kóterý maqsatynda óńirimizde ashylǵan «Adaldyq dúkenderine» de toqtalyp ótti. Oblysta ashylǵan 106 dúken tek oqý oryndarynda ǵana emes, sonymen birge Aqtaý qalalyq polısııa basqarmasynda, arnaıy halyqqa qyzmet kórsetý ortalyǵynda jáne halyqaralyq áýejaıda ózine-ózi qyzmet kórsetý qaǵıdatymen jumys jasap tur. Departament basshysy osyndaı kreatıvti tájirıbeni polısııanyń basqa da aýdandyq bólimshelerinde jalǵastyrý qajet degen usynysyn bildirdi jáne polısııa qyzmetkerlerine qatysty ákimshilik tájirıbege toqtala otyryp, kúndelikti jumys barysynda zańdylyq pen parasattylyq qaǵıdattaryn basshylyqqa alýǵa shaqyrdy.
Shara barysynda Sybaılas jemqorlyqqa qarsy qyzmetimen sońǵy úsh jyldyqta óńirde tirkelgen sybaılas jemqorlyq derekteri, ásirese ishki ister organdary salasynda oryn alǵan qylmystyq ister týraly derekter keltirilip, sybaılas jemqorlyqtyń aldyn alý boıynsha sharalardyń odan ári jalǵasatyny basa aıtyldy. Sonymen birge QR Qylmystyq-prosessýaldyq kodeksiniń 200-babyna sáıkes, zańbuzýshylyqtardy joıý jónindegi engizilgen birqatar usynystar týraly málimet berildi. Mysalǵa 2016-2018 j.j. ishki ister organdaryna osyndaı 67 usynys joldanyp, olardy qarastyrý nátıjesinde 77 tulǵa tártiptik jaýapkershilikke tartylǵan. Solardyń ishinde 4 eskertý, 12 sógis, 28 qatań sógis, 12 qyzmetine tolyq emes sáıkestilik, 12 laýazymynan bosatý, 9 jumystan shyǵarý.
Júrgizilgen jedel-izdestirý qyzmetiniń nátıjesinde jáne azamattardan kelip túsken ótinishter boıynsha 2016-2018j.j. jáne aǵymdaǵy jyldyń 4 aıynda 24 ishki ister organdary qyzmetkerine qatysty 41 sybaılas jemqorlyq qylmystar tirkeldi, 31 jazalaý qorytyndysymen sotqa joldandy, 20 tulǵaǵa qatysty sot sheshimi shyqqan.
Kezdesý sońynda sóz alǵan Mańǵystaý oblysynyń polısııa departamentiniń bastyǵy Q.Taımerdenov spıkerlerge alǵysyn bildirip, ishki ister organdary tarapynan jurtshylyqpen keri baılanys mehanızmderin jetildirý, qyzmetinde ashyqtyqty qamtamasyz etý jáne polısııa qyzmetkerine degen turǵyndardyń kózqarasyn ózgertýge bar kúshterin salatyndaryna sendirdi.
– Apta saıyn orynbasarlarymmen azamattardy jeke qabyldaý júrgiziledi, jeke ózim senbi saıyn turǵyndarmen kezdesemin. Qazirgi tańda 2 front-keńse ashylyp, 1-shi jartyjyldyqtyń aıaǵyna deıin barlyq qalalyq jáne aýdandyq bólimshelerde ashý josparlanýda. Aıyna bir ret áleýmettik jelilerde «on-laın» rejiminde jeli qoldanýshylardyń suraqtaryna jaýap beremin. Táýlik boıy «Whats App» qosymshasy arqyly foto jáne beınerolıkterdi jalǵaýmen turǵyndardan túrli quqyq buzýshylyqtar týraly suraqtar qabyldanady. Sybaılas jemqorlyqtyń aldyn alý baǵytynda aǵymdaǵy jyldyń 1 qańtarynan bastap barlyq ákimshilik hattamalar elektrondyq túrde rásimdeledi. Jalpy alǵanda jeke quram arasynda sybaılas jemqorlyq derekteriniń aldyn alý úshin barlyq is-sharalar qolǵa alynýda. Sybaılas jemqorlyqqa qarsy is-qımyl boıynsha ózara yntymaqtastyq Agenttiktiń aýmaqtyq departamentterimen jalǵasatyn bolady, dedi Q.Taımerdenov.
Mańǵystaý oblysy
