Bul týraly О́ńirlik Kommýnıkasııalar qyzmeti alańynda ótken brıfıngte «Kaspıı» fýtbol klýbynyń jattyqtyrýshysy Amantaı Qoshaı málimdedi.
Mamyrdyń alǵashqy kúnderinde Horvatııa elinde ótken halyqaralyq týrnırge Polsha, Ázirbaıjan, Ýkraına, Servııa elderinen jáne alań ıelerin qosqanda jıyrmaǵa jýyq komanda qatysqan. Jasyl alańda «kaspıılikter» 4 oıyn oınap, onyń bireýinde jeńiske jetip, bir oıyndy teń dárejede aıaqtaǵan. Sonymen qatar, komanda Qazaqstan chempıonatyna da bıyl alǵash ret qatysýda. Bes týrdan turatyn oıynnyń alǵashqysy О́skemen qalasynda ótken, mamyrdyń 17-sinde Almaty qalasyna attanatyn komanda músheleri «Taraz», «Semeı», «Oqjetpes», «Aqjaıyq» komandalaryna qarsy oınaıtyn bolady.
Tamyz aıynyń sońyna deıin el chempıonaty aıasynda bul komanda 16 ret jasyl alańǵa shyǵady. Jattyqtyrýshylardyń aıtýynsha halyqaralyq jarysqa qatysý arqyly komanda kóp tájirıbe jınaǵan. Qazirgi tańda komanda quramynda 24 oıynshy bar. Olardyń fýtbolǵa degen yqylastary men jeńiske degen umtylystary erekshe deıdi jattyqtyrýshylary. Sondaı-aq jattyqtyrýshylar men oıynshylar oblystyq sport basqarmasy men Aqtaý qalasy ákimine alǵystaryn bildirdi.
Mańǵystaý oblysy
