Aıova ýnıversıtetimen (The University of Iowa) birlese uıymdastyrylǵan kýrs bıylǵy jyldyń 13-27 shilde aralyǵynda atalǵan ýnıversıtette ótpek. Aǵylshyn tiliniń sheberleri men jazýshylyq qabileti bar balalardyń basyn qosatyn oqý kýrsyna 15-18 jastaǵy 30 jas iriktep alynǵan.
– Baǵdarlamaǵa qatysý úshin aldymen baıqaýda óz qabiletińdi dáleldeı bilý kereksiń. Ol úshin ár túrli taqyrypta aǵylshyn tilinde esse jazý jáne 6-8 betten turatyn proza nemese poezııa jazý tapsyrmalary berildi. Tarıh pánine qyzyǵýshylyǵym joǵary bolǵandyqtan tarıhı oqıǵa jelisindegi drama jazýdy uıǵardym. «The Crimson Glow of Spring» atty shyǵarmamda reseı-fransýz soǵysynda áke-sheshesinen aıyrylǵan balanyń taǵdyryn sýrettedim. Ol sýret salýdy unatady jáne ózgelerdiń aıtqanyna qaramastan súıikti isimen aınalysýdy toqtatpaıdy, - deıdi Asparýh baıqaý tapsyrmalary jaıly.
Asparýh aǵylshyn tilin úırengendi erekshe jaqsy kóredi. О́ıtkeni, kóptegen paıdaly derekterdi túpnusqada meńgerý arqyly birshama múmkindikterdi ashýǵa bolady dep esepteıdi. Jeńimpazymyzdyń tildi meńgerýdegi fýndamentaldy bazasyn kóterýde mektebimizdegi aǵylshyn tili páni muǵalimi Nurzada Ermagambetova men shet tili muǵalimi Jacob Labuschagne kóp eńbek sińirgendigin aıta ketken jón. Zııatker bıylǵy jyly IELTS emtıhanynan 6,5 ball jınaǵan.
– Baǵdarlama maǵan óte paıdaly bolatynyna senimdimin. О́ıtkeni AQSh-qa sapar esten ketpes áser men til meńgerýge tamasha múmkindik syılaıdy dep úmittenemin. Kýrs barysynda alǵan bilimimdi shet eldik ýnıversıtetterge bilim grantyna úmitker bolǵanda maksımaldy túrde paıdalanamyn. Atalǵan baıqaýda tehnıkalyq turǵydan kómek bildirgen mektebimizdegi kásibı baǵdar berý jónindegi keńesshi Saýle Aldabergenovaǵa, til meńgerýge kómek kórsetken barsha ustazdaryma alǵys bildiremin, deıdi jas qalamger.
Mańǵystaý oblysy
