Forýmnyń ashylýynda sóz alǵan Qazaqstan Prezıdenti janyndaǵy «Qoǵamdyq kelisim» respýblıkalyq memlekettik mekemesiniń dırektory Sattar Májıtov elordanyń mańyndaǵy tabıǵaty ásem mekende elimizdiń ár aımaǵynan jalyndy jastardyń jınalǵanyna qýanyshty ekenin bildirip, bul basqosý olardyń kóshbasshylyq qabiletterin shyńdap, tulǵa retinde qalyptasýyna septigin tıgizetinin sóz etti. Sóıtip Qazaqstan halqy Assambleıasy Tóraǵasynyń orynbasary Janseıit Túımebaevtyń ystyq lebizin jetkizdi. Onyń sózinde 2018 jyly «Jańǵyrý joly» respýblıkalyq jastar qozǵalysy dál osy forýmmen qanat qaǵyp, búginde biraz bastamany júzege asyrǵany aıtylǵan. Bir jyldyń ishinde atalǵan jastar qozǵalysynyń 17 oblys pen qalalarda shtabtary ashylyp, qazir 5 myńǵa jýyq jas belsendi jumys istep jatyr eken. Jastar kúshin biriktirgen bul uıym bıyl birshama irgeli jobalar ótkizýdi josparlap otyr. Solardyń qatarynda «Áleýmettik hakaton», «Aýyl ákimi bolǵym keledi!», «Jastar sınergııasy» jobalary bar.
Odan keıin Qazaqstan halqy Assambleıasy Tóraǵasynyń orynbasary Sherzod Pýlatov ortaǵa shyǵyp, osynda jınalǵan kóshbasshy jastardyń dostasýy birligimizdi arttyryp qana qoımaı, ár óńirdiń damýyna da úlesin qosatynyn aıtty. О́ıtkeni munda aıtar oıy, bóliser tájirıbesi bar jastar bir-birimen pikir almasyp, óz aımaqtaryna tyń ıdeıamen oralady.
Jastarǵa jańa múmkindikter ashýdy maqsat etken forýmda el aımaqtaryna qosa, shet memleketterdiń de ókilderi boı kórsetti. Atap aıtsaq, «My – rossııane» Reseı halqy jastar assambleıasy qoǵamdyq qozǵalysynyń tóraıymy Dına Gromatıkopolo men sol uıymnyń Omby aımaǵy boıynsha tóraǵasy Ermek Hapızov, Qyrǵyzstan halqy jastary assambleıasynyń ókili Nýrsýltan Beıshebaeva jáne ýkraınalyq, L.Gýmılev atyndaǵy EUÝ-dyń saıasattaný kafedrasynyń doktoranty Rýban Svıatoslav qatysyp, óz elderindegi jastar tájirıbesimen bólisti.
Almaty qalasyndaǵy «Qoǵamdyq kelisim» RMM Etnomádenı birlestiktermen jumys isteý bóliminiń basshysy Olga Kolesnıkova «Jastar jyly aıasynda ótip jatqan bul forýmnyń bereri mol. Munda bárimiz bir-birimizben tanysyp, oı bólisip, tájirıbe almasyp jatyrmyz. Forýmnyń ereksheligi sol, qatyp qalǵan jıyn formatynda emes, erkin, oıyn-saýyq, demalys retinde ótip jatyr deýge bolady. Mysaly Ońtústikten kelgen jastar óz óńirindegi ár etnomádenı birlestikterdiń ulttyq bılerinen festıval uıymdastyrdy. Biz de óz qalamyzda osyndaı is shara ótkizsek dep oı túıdik. Al biz eriktiler lıgasynyń tájirıbesimen bólisemiz. Bul – ári jastardyń, ári ulttardyń birligin jarastyrǵan forým» dedi.
Al Shyǵys Qazaqstan oblysy boıynsha jetekshisi Ravın Iýnýsov bul forým bıylǵy jastar jylyna úlken kóńil bólinip otyrǵanynyń bir kórinisi ekenin aıtady. Ol Shyǵysta Uly dala eliniń qyrlaryn ashyp kórsetý úshin qasıetti oryndarǵa ekskýrsııalar uıymdastyrylyp, kórshi óńirlerge de sapar shegip turatyndaryn, sosyn basqa óńirlerden ereksheligi oblysta 14 Dostyq úıi baryn jetkizdi.
«Jańǵyrý joly» jastar qozǵalysynyń Aqtóbe oblysyndaǵy ókili Aslan Ábýov: «Osydan bir jyl buryn Almatyda, Alataýdyń baýraıynda jastar «Birlik» atty lagerde bas qosqanbyz. Mine bıyl mamyrajaı mamyrda elordanyń shetinde, tabıǵat aıasynda taǵy da jınalyp otyrmyz. Qaıta qaýyshqanymyzǵa óte qýanyshtymyz. Munda naǵyz kóshbasshylar kelgenin birinshi kúnnen-aq baıqap jatyrmyz. Bul barlyq oblystyń jastaryn jarastyryp, eldiń birligine jumyldyratyn jaqsy joba boldy. Jastar jyly eldi tutastyqqa, yntymaqqa uıystyratyn ıgi is-sharalarǵa bastamashy bolýda. Búgingi forýmnan biz óńirimizge jańa ıdeıalarmen, tyń energııamen oralamyz», deıdi.
