Aımaqtar • 20 Mamyr, 2019

Túrkistan oblysynda qazaq kúresinen halyqaralyq týrnır ótti

881 ret kórsetildi

Túrkistan oblysy Ordabasy aýdany, Temirlan eldi mekeninde Qajymuqan Muńaıtpasulynyń 149 jyldyǵyna oraı qazaq kúresinen dástúrli halyqaralyq týrnır ótti.

Oblystyq dene shynyqtyrý jáne sport basqarmasy men Ordabasy aýdany ákimdigi uıymdastyrǵan jarysqa Reseı, О́zbekstan, Mońǵolııa elderimen qatar elimizdiń barlyq oblystarynan 300-ge jýyq balýan qatysty. Qajymuqan atyndaǵy ortalyq stadıonda ótken týrnırde sportshylar eki kún boıy 8 salmaq dárejesinde jeńimpaz ataný úshin kúsh synasty. Joǵary daıyndyqpen kelgen balýandar arasyndaǵy árbir jekpe-jek tartysty ótip, jankúıerlerdi jalyqtyrmady. Segiz salmaq dárejesi boıynsha myqtylar anyqtalǵan soń balýandar túıe palýanǵa tigilgen jańa «Nıva» avtokóligin sarapqa saldy.

Iаǵnı absalıýtti salmaqta 32 balýan boz kilemde kúsh synasty. Nátıjesinde eki qazaqstandyq jáne eki mońǵolııalyq jigit barlyq qarsylastarynyń jaýyrynyn jerge tıgizip, jartylaı fınalǵa shyqty. Tartysty ótken beldesýler nátıjesinde júldeli úshinshi oryndy Mońǵolııa balýany Dorj Anar ıelendi. Al, alyptardyń aıqasyndaǵy aqtyq synda almatylyq Rýslan Abdrazaqov pen mońǵolııalyq Serik Berdimurat kezdesti. Babynda ekenin dáleldegen tájirıbeli balýan Rýslan Abdrazaqov qarsylasyn aıqyn basymdyqpen utyp, halyqaralyq týrnırdiń jeńimpazy atandy. Júldeli ekinshi oryndy mońǵolııalyq Serik Berdimurat ıelendi. Sóıtip, dástúrli halyqaralyq týrnırdiń bas júldesine tigilgen «Nıva» avtokóliginiń kiltin Rýslan Abdrazaqovqa Ordabasy aýdanynyń ákimi Qaırat Joldybaıuly men oblystyq dene shynyqtyrý jəne sport basqarmasynyń basshysy Polat Qyryqbaev tabys etti. Barlyq jeńimpazdar men júldegerler arnaıy taǵaıyndalǵan estelik syılyqtarmen marapattaldy. 


Túrkistan oblysy

Sońǵy jańalyqtar

Ulylar úndestigi

Qazaqstan • Keshe

Baǵa baqylanady

Qarjy • Keshe

Meıirim shuǵylasy

Rýhanııat • Keshe

Kedergisiz orta kerek

Qoǵam • Keshe

Sıfrly damý: Jańa betburys

Tehnologııa • Keshe

Mahabbat áýeni

О́ner • Keshe

Uqsas jańalyqtar