Parlamentshiler Qyrǵyzstannyń UQShU-ǵa 2019 jyly tóraǵalyq etý basymdyqtaryn iske asyrý týraly aqparatty tyńdady.
Keńeste UQShU Ujymdyq Qaýipsizdik Keńesiniń 2018 jylǵy qarasha sessııasynyń qorytyndylary, uıymnyń jaýapkershilik aımaǵyndaǵy jáne osy aımaqtarǵa irgeles aımaqtardaǵy jaǵdaı, ujymdyq qaýipsizdikke tónetin qaterler men qaýipterge qarsy is-qımyl sharalary, Qazaqstan Respýblıkasy Prezıdentiniń 2019 jylǵy 9 maýsymdaǵy kezekten tys saılaýyn UQShU Parlamenttik Assambleıasynan qysqa merzimdi baıqaý jónindegi halyqaralyq baıqaýshylardyń monıtorıng tobynyń daıyndyǵy, uıym qyzmetiniń qarjylyq máseleleri talqylandy. Sondaı-aq 2019 jylǵa arnalǵan jumys josparyn naqtylaý týraly, UQShU-ǵa múshe memleketterdiń 2016-2020 jyldarǵa arnalǵan ulttyq zańnamasyn jaqyndastyrý jáne úılestirý jónindegi UQShU Parlamenttik Assambleıasy qyzmetiniń baǵdarlamasyna tolyqtyrýlar men ózgerister engizý týraly sheshim qabyldady.
UQShU Parlamenttik Assambleıasy Keńesiniń otyrysynda UQShU PA saıası máseleler jáne halyqaralyq yntymaqtastyq jónindegi turaqty komıssııasynyń tóraǵasy men tóraǵa orynbasary bekitildi.
Sondaı-aq Keńeste EQYU PA-nyń 2019 jylǵy 5-9 shildedegi Lıýksembýrgtegi kezekti jazǵy sessııasyna UQShU memleketteriniń parlamenttik delegasııalarynyń qatysýy jónindegi mindetter belgilendi.
