Atalǵan alańda Beıbit Atamqulovtan ózge Qyrǵyzstannyń Syrtqy ister mınıstri Chıngız Aıdarbekov, Tájikstannyń Syrtqy ister mınıstri Sırodjıddın Mýhrıddın, О́zbekstannyń Syrtqy ister mınıstri Abdýlazız Kamılov, Japonııa Syrtqy ister mınıstri Taro Kono, Túrikmenstan Syrtqy ister mınıstriniń orynbasary Vepa Gadjıev bas qosty.
Alǵashqy otyrysy Nur-Sultan qalasynda 2004 jyly ótken «Ortalyq Azııa + Japonııa» dıalogy bıyl 15 jyldyǵyn atap ótti. Bul formatta dıalog halyqaralyq jáne aımaqtyq kún tártibindegi ózekti máselelerdi talqylaý, sondaı-aq Japonııanyń qatysýymen aımaqaralyq yntymaqtastyqty nyǵaıtý joldaryn usynady.
Qatysýshylar «saǵatty teńestirýge» jáne dıalogty damytý úshin naqty mindetterdi belgileýge ýaqyt keldi degen ortaq oı bildirdi. Ortalyq Azııa elderiniń ekonomıkalaryn odan ári jańǵyrtý men ártaraptandyrýda qoldanylýy múmkin Japonııanyń ekonomıkalyq jáne tehnologııalyq áleýeti aıtarlyqtaı qyzyǵýshylyq týdyrady.
Qazaqstan Syrtqy saıasat vedomstvosynyń basshysy B.Atamqulov bizdiń elimiz Japonııanyń Ortalyq Azııa aımaǵyna degen qyzyǵýshylyǵyn, sondaı-aq japon úkimetiniń ekijaqty túrde jáne OAJD aıasynda yntymaqtastyqtyń praktıkalyq joldaryn tabýǵa kúsh-jigerin joǵary baǵalaıtynyn atap ótti. Qazaqstan burynǵydaı ózara tıimdi ekonomıkalyq yntymaqtastyq úshin jaǵdaı jasaýǵa jáne senimdi nyǵaıtý úshin kúsh-jiger jumsaýǵa daıyn ekendigin kóldeneń tartty.
«Ortalyq Azııa – strategııalyq ornalasýy utymdy aımaq, sondaı-aq adamı jáne joǵary ekonomıkalyq áleýeti, tabıǵı jáne óndiristik resýrstary bar álemniń qarqyndy damyp kele jatqan óńirleriniń birinen sanalady. Qazaqstannyń Tuńǵysh Prezıdenti – Elbasy Nursultan Nazarbaev pen Prezıdent Qasym-Jomart Toqaev aımaq elderimen baýyrlastyq jáne tatý kórshilik qatynastardy nyǵaıtýǵa erekshe nazar aýdarady», dedi B.Atamqulov.
Dýshanbedegi bıylǵy kezdesý úsh sessııadan turdy, onyń barysynda saýda-sattyq, kólik, ınvestısııa, týrızm jáne aımaqtyq qaýipsizdik salalaryndaǵy yntymaqtastyqty damytý máseleleri talqylandy. Onyń ishinde aımaqtyń tranzıttik-kóliktik áleýetin tıimdi paıdalanýǵa erekshe nazar aýdaryldy, ol –teńizge shyǵý múmkindigi joq Ortalyq Azııa memleketteri úshin asa mańyzdy másele.
Sessııada týrızmdi damytý máseleleri boıynsha Ortalyq Azııa elderi sońǵy jyldary sheteldik týrısterdiń qyzyǵýshylyǵyn týdyrǵany, bul aımaqtyń joǵary áleýetin kórsetetini atap ótildi. Qazaqstan tarapy qatysýshylardy bizdiń elimizdegi týrızmdi damytý baǵytyndaǵy is-sharalarmen keńinen tanystyryp ótti. Turaqty jáne ornyqty týrızm sektoryn qurýda Japonııanyń ozyq tájirıbelerin engizý Ortalyq Azııa elderi úshin keń múmkindikter ashady.
Aımaqtyq qaýipsizdik máseleleri jeke blok aıasynda qarastyrylyp, oǵan Aýǵanstannyń Syrtqy ister mınıstri Salahýddın Rabbanı qonaq retinde shaqyryldy. Qatysýshylar terrorızmge qarsy is-qımyl, azyq-túlik jáne ekologııalyq qaýipsizdik máselelerin talqylady. Kezdesýge qatysýshylar Qazaqstannyń «Jýsan» operasııasy, sondaı-aq halyqaralyq qoǵamdastyqtyń Aýǵanstandaǵy qaýipsizdik jáne ahýaldy turaqtandyrýǵa qosqan úlesi týraly jumysymen muqııat tanysyp shyqty. Azyq-túlik qaýipsizdigi boıynsha Qazaqstan Ortalyq Azııa elderin Nur-Sultanda shtab-páteri ornalasqan Azyq-túlik qaýipsizdigi jónindegi Islam uıymy qyzmetine qatysýǵa shaqyrdy.
Is-shara qorytyndysy boıynsha Ortalyq Azııa elderi men Japonııa arasyndaǵy áriptestikti tereńdetýge baǵyttalǵan Birlesken málimdeme qabyldanyp, ózara tıimdi yntymaqtastyqty odan ári ilgerilete berý kerektigi atap kórsetildi.
Ortalyq Azııa elderiniń ókilderi Japonııaǵa ekonomıkalyq ınfraqurylymdardy jetildirý, densaýlyq saqtaý, tabıǵı apattardyń aldyn alý, aımaqtyq damý, terrorızm jáne esirtkige qarsy kúres sııaqty salalarda qarjylyq jáne tehnıkalyq kómek kórsetip kele jatqany úshin alǵys bildirdi.
«Ortalyq Azııa + Japonııa» dıalogy Japonııanyń bastamasy boıynsha qurylǵan bolatyn.
