Elimizdiń syrtqy saıası vedomstvosynyń basshysy Qazaqstan úshin Qyrǵyzstan eń jaqyn kórshi ekenin atap ótti. «Qazaqstannyń Tuńǵysh Prezıdenti – Elbasy Nursultan Nazarbaev Qazaqstan men Qyrǵyzstan baýyrlas halyqtar ekenin árdaıym aıtady. Biz tatý kórshilik pen dostyqta ómir súrdik, aramyzda eshqashan shekaralar bolǵan emes», dedi B.Atamqulov.
Qazaqstan SIM basshysy qazaqstan-qyrǵyz ózara is-qımylynyń damýyndaǵy oń dınamıkasyn atap ótti. Oǵan jyly ári dostyq qarym-qatynastar ornalǵan Qyrǵyzstan Syrtqy ister mınıstri Chıngız Aıdarbekovpen tyǵyz jáne jemisti jumys jasalýda, al bul birqatar máselelerdi jedel sheshýge múmkindik beredi.
Búgingi SIM arasyndaǵy kelissózder barysynda ekijaqty yntymaqtastyqtyń, óńirlik jáne halyqaralyq kún tártibiniń ózekti máseleleri talqylandy. Bizdiń elderimiz arasyndaǵy qatynastardy odan ári nyǵaıtý, barlyq jınalǵan máselelerdi sheshý boıynsha ýaǵdalastyqtarǵa qol jetkizildi.
Taraptar 2020 jylǵa qaraı ekijaqty saýdany 1 mlrd AQSh dollaryna deıin ulǵaıtý jónindegi memleket basshylary qoıǵan mindetterdi iske asyrý jóninde belsendi jumys júrgizýde. Osy turǵyda Qazaqstan-Qyrǵyz Úkimetaralyq keńesiniń tıimdi jumysy atap ótildi.
Qyrǵyzstan Prezıdenti S. Jeenbekov Elbasy Nursultan Nazarbaevtyń joǵary bedelin erekshe atap ótti. «Sizdiń kóshbasshyńyz Nursultan Ábishulynyń danalyǵy búkil álemge tanymal, ony kóptegen memleketterdiń basshylary óte qurmetteıdi», dedi Qyrǵyz Prezıdenti. Sonymen qatar ol Memleket basshysy Qasym-Jomart Toqaevty bedeldi saıasatker ekenin atap ótti. S. Jeenbekov Qazaqstan halqyna jaqsy prezıdent saılaýyn ótkizýdi tiledi.
S. Jeenbekov Qazaqstan Qyrǵyzstannyń syrtqy saıasatyndaǵy negizgi áriptesteriniń biri bolyp tabylatynyn, sondaı-aq qyrǵyz tarapy barlyq baǵyttar boıynsha yntymaqtastyqty odan ári tereńdetýge múddeli ekenin atap ótti. Qazaqstan men Qyrǵyzstanǵa ekonomıkalyq óńirlik kooperasııany damytý jáne ekijaqty saýda aınalymyn ulǵaıtý boıynsha jańa joldaryn qarastyrý qajet.
Kezdesý barysynda halyqaralyq qurylymdar men qaýymdastyqtardyń, atap aıtqanda Shanhaı yntymaqtastyq uıymy (ShYU) sheńberindegi ózara is-qımyl máseleleri talqylandy. Qazaqstan Qyrǵyzstannyń ShYU-ǵa tabysty tóraǵalyq etýine joǵary baǵa berdi, onyń sheńberinde belsendi jumys júrgizilýde.
