Qazylar alqasynyń sheshimi boıynsha sheshendik ónerlerimen jáne kásibı sheberlikterimen kózge túsken Nuraı Ǵazız, Elızaveta Sedysheva jáne Álibek Bımendın konkýrstyń jeńimpazdary retinde tanylyp, olarǵa arnaıy dıplomdar men aqshalaı sertıfıkattar tabys etildi.
Sondaı-aq, shara aıasynda ótken ǵylymı-shyǵarmashylyq konferensııaǵa JOO oqytýshylary, doktoranttary, magıstranttary jáne stýdentteri, oblystyq Assambleıanyń, QHA ǵylymı-saraptamalyq top músheleri, etnomádenı birlestik ókilderi, ǵalymdar, sarapshylar qatysty.
Konferensııada E.Bóketov atyndaǵy QarMÝ-dyń professory, fılologııa ǵylymdarynyń doktory Jandos Smaǵulov qazaq halqynyń dástúrlerin mysalǵa ala otyryp, ulttyq rýhanı mura jaıynda taǵylymdy baıandama jasady.
Sonymen qatar, professor, tarıh ǵylymdarynyń doktory Sataı Syzdyqov «Máńgilik eldiń murageri» degen taqyryptaǵy baıandamasynda bizdiń mádenıetimiz ben dúnıetanymymyzdyń túp tamyry ejelgi dáýir ádebıeti men kóne túrki jazba eskertkishteri negizinde jatqanyn, sol sebepti de ulttyq rýhymyzdyń berik ekenin áńgime arqaýy etti.
Qaraǵandy oblysy
