Aıtýly sharaǵa Qazaqstan Respýblıkasyndaǵy Birikken Ulttar Uıymynyń (BUU) Qoǵamdyq aqparat departamentiniń ókili Samek Vlastımıl, «Jalyn» ǵylymı óndiristik-tehnıkalyq ortalyǵynyń bas dırektory, hımııa ǵylymdarynyń doktory Sestager Aqnazarov, Qazaq taǵamtaný akademııasynyń vıse-prezıdenti, bıologııa ǵylymdarynyń doktory Iýrıı Sınıavskıı, Abaı atyndaǵy Qazaq Ulttyq pedogogıkalyq ýnıversıtetiniń professory, bıologııa ǵylymdarynyń doktory Anatolıı Kýpchıshın, «TımAL» ortalyǵynyń dırektory, medısına ǵylymdarynyń doktory Mámbet Nuralıev, «Jalpy tájirıbe dárigeri – Konsýltant Ekspert» ortalyǵynyń bas dırektory, bıologııa ǵylymdarynyń kandıdaty Habıbolla Bısmıldın jáne taǵy basqa ǵalymdar, kásipkerler, úkimettik jáne úkimettik emes uıymdardyń ókilderi qatysty.
Konferensııa barysynda «Medısına, nanotehnologııa, bıomedısına jáne agroónerkásip salasyndaǵy teorııa men praktıka boıynsha aqparat jáne pikir almasý», «Birlesken ǵylymı jáne bıznes baǵdarlamalardy talqylaý jáne ázirleý, sharttar men kelisim-sharttar jasasý», «Medısına, nanotehnologııa, bıomedısına jáne agroónerkásip salasyndaǵy qazirgi zamanǵy ǵylym men ónerkásiptiń jaǵdaıyn taldaý» sekildi kóptegen ózekti taqyryptar boıynsha tartymdy áńgimeniń tegi aǵytyldy.
– INFINITE kompanııasy jelili marketıng júıesi boıynsha jumys jasaıdy. Osy júıeniń negizgi prınsıpterine saı dıstrıbıýtorlar ónimniń sapasy men qasıeti jaıynda jan-jaqqa aqparat taratady. Qazirgi kezde halyqqa qajetti málimetti taratýshylar jáne bizdiń tarapymyzdan usynylǵan ónimdi tutynýshylar sany ýaqyt ozǵan saıyn arta túsýde. Sonyń nátıjesinde keń taraǵan allergııalyq aýrýlar azaıyp, birqatar ýlaný túrlerinen adamdar tez aıyǵýda. Aıtýly ujym Qazaqstannyń barlyq qalalary men TMD elderiniń birqatar aımaqtarynda zańdy túrde tirkelip, jemisti eńbek etip jatyr. Bir sózben aıtsaq, INFINITE – otandyq ónimdi halyqaralyq naryqqa shyǵarýshy kompanııa. Biraz jyldan beri osy baǵytta «Jalyn» ǵylymı óndiristik-tehnıkalyq ortalyǵymen tyǵyz qarym-qatynasta eńbek etip kelemiz, – deıdi INFINITE kompanııasynyń bas dırektory Marat Shýgaepov.
Konferensııa jumysynyń qorytyndysy boıynsha jas ǵalymdarǵa úzdik baıandama úshin aqshalaı syılyqtar beriledi. Bul qoldaý jas ǵalymdarǵa jańa múmkindikter beredi jáne de jastardyń tehnologııalyq mindetter men problemalardy sheshýge qatysýǵa yntalandyrady.
Al «JALYN» ortalyǵy jaıynda aıtar bolsaq, ol 2006 jyly qurylyp, ǵylymı jáne ǵylymı-tehnıkalyq qyzmet sýbektisi retinde tirkeldi. Búgingi kúni atalmysh ortalyq joǵary oqý oryndarynyń qatysýymen jumys isteıtin, jaratylystaný jáne tehnıkalyq ǵylymdar salasyndaǵy ǵylymı zertteýler men ázirlemelerdi oryndaıtyn startap-kompanııa bolyp tabylady. Onda kómirtekti sorbsııalyq materıaldar, preparattar, badtar, medısınaǵa arnalǵan buıymdar, aýyl sharýashylyǵyna arnalǵan mıkrotyńaıtqyshtardy óndirý jáne ósimdikterdiń ósýin rettegishter óndiriledi. Sondaı-aq, kabel ónimderi men plastıkat óndirisi de damýda.
