Olardyń basym bóligi Qyzyljar aýdany Báıterek aýylynda turady. Polısııa departamentiniń kóshi-qon qyzmeti basqarmasynyń qyzmetkerleri osy eldi mekenge arnaıy kelip, oralman mártebesin qalpyna keltirýge járdemdesti.
«Kóshi-qon týraly» zańǵa sáıkes oralman mártebesi bir jylǵa beriledi. Merzimi ótip ketse, buryn turǵan eldiń azamattyǵynan shyǵyp, Qazaqstan aýmaǵynda 5 jyl turý kerek degen syqyldy qıyndyqtar týyndaıdy. Arnaıy aksııa aıasynda bul prosedýralardy jeńildetýge bolady», deıdi kóshi-qon qyzmeti basqarmasynyń bastyǵy Talǵat Ábilov.
Problemalardyń týyndaýyna keı azamattardyń týǵan-týystary shetelde qalyp qoıǵany, keıbiriniń dúnıe-múlik máseleleriniń sheshilmeýi sebep bolǵan. Osyǵan oraı Elbasynyń tapsyrmasymen ýaqyty ótip ketken oralman mártebesin uzartýǵa múmkindik berilip otyrǵany, qandaı qujattar qajettigi túsindirildi. Sóıtip 41 adamnyń oralman mártebesiniń ýaqyty uzartyldy. Olardyń 38-i Qazaqstan azamattyǵyn alýǵa ótinish berdi.
Eske sala ketsek, bıyl 16 naýryzda elimizde azamattyqty jeńildetilgen tártippen alý úshin oralman mártebesin jyl aıaǵyna deıin uzartý týraly sheshim qabyldanǵan bolatyn. Atajurtqa kelgen kez kelgen qandasymyz oralman mártebesin uzartý úshin tıisti oryndarǵa júgine alady.
