2 maýsymda IAAF (Halyqaralyq jeńil atletıka federasııasy) «IAAF Run 24:1» bastamasy júzege asyrylady. Oǵan alty qurlyqtan 24 qala qatysady dep kútilýde. Tańdalǵan qalalardyń árqaısysynda bir mılıa júgirý ótedi. Olar saǵat aımaǵyna sáıkes bir ýaqytta bastalady. Osylaısha, búkil planeta júgirý kúnin «sınhrondy» túrde merekeleıdi.
Qatysýshy qalalarda mereke sport mınıstrlikterimen, qalalyq bılik uıymdarymen jáne ulttyq federasııalarmen birlesip uıymdastyrylady.
«IAAF Run 24:1» Ońtústik muhıttaǵy Fıdjı aralynyń eń iri Sýva qalasynda bastaý alady. Budan ári álemdik júgirý tizbegi Melbýrn, Tokıo, Pekın, Sıngapýr jáne Hanoı qalalary boıynsha jalǵasady. Ortalyq Azııada is-shara Qazaqstannyń astanasy Nur-Sultan qalasynda ótedi.
Sporttyq shara budan ári Ystambul, Kopengagen, Mılan jáne Bırmıngemd qalalaryndaǵy toqtaý núktelerimen Eýropaǵa ótedi. Sodan soń Afrıkaǵa keri oralyp, Gaboron, Iаýnde jáne Rabat óńirlerinde jandanady. Odan ári dúnıejúzilik júgiris Atlantıka, San-Paýlý, Santıago, Gavan, Bogota, Meksıkany kesip ótip, aqyrynda AQSh-qa jetedi.
Monakoda merekeniń negizgi bastamashysy – IAAF iri halyqaralyq uıymy ornalasqan qalada týr óz máresine jetedi. Jalpy «IAAF Run 24:1» búkil álemnen myńdaǵan jelaıaqty biriktire otyryp, 24 elde aıaldama jasaıdy. Jarys Nur-Sultan qalasynyń mádenıet jáne demalys saıabaǵynda jergilikti ýaqyt boıynsha saǵat 9:00-de bastalady.
Ár qalada júgirýdi burynǵy nemese qazirgi sportshy basqaratyn bolady. Osy jobanyń Nur-Sultan qalasyndaǵy basty qonaǵy retinde Olımpıada chempıony Olga Rypakova óner kórsetedi. Jarysqa 1 myńnan 3 myńǵa deıin elordalyq qatysady dep kútilýde.
