Sýretshiniń aıtýyna qaraǵanda, naǵashy atasy – Tólebaı qarııa kezinde temirden túıin túıgen sheber kisi bolypty. At ábzelderin jasaǵan. Gúldana osy ónerin atasynan qonǵan qasıet dep biledi.
Sýretshi alǵashqy kezde úırenshikti keneptiń ornyna bylǵary, túrli ańdardyń terilerin jáne tulypty qoldanypty. Kórgen jandy tańyrqatpaı qoımaıdy. Onyń jumystary – kóbine sándik buıymdar. Terige beınelegen sýretterine ashyq akrıldi, syrlardy paıdalanatyndyqtan ǵana emes, qosymsha materıaldar – tabıǵı tastar, monshaqtar, sándik túımeler, tıyndar jáne jan-janýarlardyń súıekterin qoldanǵany, sóz joq, erekshe kóz tartady.
– Bir jumysyńyzǵa qansha ýaqyt jumsaısyz? – dep suradyq týlaqty týyndyǵa aınaldyratyn sýretshiden.
– О́ner adamy bolǵan soń, muny shabytpen baılanystyramyn, – dedi ol. – Keıde bir kúnde eki-úsh týyndy jazýym múmkin. Al keı sátterde eshteńe de sala almaýym ǵajap emes.
– Týyndylaryńyz kóbine qaı taqyryptardy qamtıdy?
– Alǵashqy kórmemde negizgi taqyrybym abstraksııa bolatyn. О́zimniń tabıǵatyma jaqyn. Biraq ekinshi kórmemde uzaq oılanyp, avtor retinde ózimniń týyp-ósken jerimdi beıneleýdi jón sanadym.
Gúldana Jurqabaeva shyǵarmashyl jastardyń halyqaralyq «Shabyt» festıvalinen bastap, Kunshyag qaıyrymdylyq baly syndy túrli sharalarǵa qatysqan. Sondaı-aq ol 2016 jyly International art Festival & Content – «Tanysý» festıvalinde laýreat atanyp, 1-oryndy jeńip alǵan (Italııa). Al 2017 jyly Qazaqstan Respýblıkasynyń Tuńǵysh Prezıdentiniń kitaphana-murajaıynda «О́zińe jol» jeke kórmesin uıymdastyrǵan.
– Bir kezderi men teriden qoldanbaly óner jasaýdyń sheberi edim. Búginde týyndylarymdy maımen jazamyn. Barlyq shyǵarmashylyq adamdary sııaqty men de únemi izdeniste júremin. Jańa nárseni úırenýden jalyqpaımyn. Erteń ne qyzyqtyratynyn bilmeımin. Meni tereń oıly adamdar, álemniń keńdigi, sananyń qupııa kúshteri, fılosofııa boıynsha qyzyqty kitaptar, ýaqyttyń jyldamdyǵy, tipti osy álemniń absýrdtyǵy da shabyttandyrady, – deıdi óner ıesi.
Gúldana Jurqabaeva Aru-Art jeke galereıasy men Hazifa toqyma úıinde art-menedjer bolyp jumys istegen, búginde «Turan» kolledjinde dızaınerlerge dáris oqıdy. Sondaı-aq sýretshi Balapan arnasynda sheberlik sabaqtaryn kórsetedi, logotıpter ázirleıdi, etnostılde aksessýarlar jasaıdy, kórmelerdi uıymdastyrýǵa kómektesedi.
Gúldana oıǵa alǵan josparlaryn da ortaǵa saldy.
– Sizdermen alǵash ret bólisip otyrmyn: jaqynda «Hýdojnık chto pıshet» atty kitabymdy jaza bastadym. Qyzyqty bolatynyna senimdimin. Oqyrmandarym da kóp bolady dep oılaımyn, – dedi sýretshi.
