Baǵdarlama iske asyrylǵan tórt jyldan beri respýblıkalyq bıýdjetten 210,5 mlrd teńge bólinip, bul qarajat 13 myń ShOB sýbektisin qarjylandyrýǵa, orta eseppen jylyna 20 myń kásipkerdi oqytýǵa, 10 myń jumys ornyn qurýǵa, 3,3 trln teńge somasyna ónim shyǵarýǵa jumsalypty.
− Jalpy, baǵdarlama iske asyrylǵan tórt jylda respýblıkalyq jáne jergilikti bıýdjetterden 247,1 mlrd teńge kóleminde 13 380 jobaǵa qoldaý kórsetildi, – dedi Ulttyq ekonomıka vıse-mınıstri Ermek Alpysov.
Onyń aıtýynsha, bólingen qarajattyń basym bóligi, ıaǵnı 126 mlrd teńgesi nemese barlyq somanyń 60,1 paıyzy nesıeler boıynsha syıaqy mólsherlemesin sýbsıdııalaýǵa baǵyttalǵan. Qalǵan 53 mlrd teńgesi nemese 25,2 paıyzy fabrıkalarǵa, zaýyttarǵa jáne ShOB óndiristik nysandaryna jetkiliksiz ınfraqurylymdy tartýǵa bólingen. Odan keıin nesıelerdi kepildendirýge, granttar usynýǵa, kásipkerlerdi oqytýǵa jáne olarǵa keńes berý qyzmetterine jumsaldy.
Aıta keterligi, «Bıznestiń jol kartasy» baǵdarlamasy 2025 jylǵa deıin uzartylmaq. Qazir baǵdarlamanyń tujyrymdamasy jasalyp, onyń tyń baǵyttaryn aıqyndaıtyn jumys toby quryldy.
