«Shyǵys» óńirlik qolbasshylyǵy áskerleriniń qolbasshysy general-maıor Nurlan Qashaǵanov oqý-ádistemelik jıynyn ótkizý barysynda «Zamanaýı soǵystar men qarýly qaqtyǵystar tájirıbesi boıynsha taktıka men jedel ónerdiń damý perspektıvalary» atty taqyrypta áskerı-ǵylymı konferensııa uıymdastyrdy.
Sondaı-aq jıyndarda bólim komandırlerimen jáne olardyń orynbasarlarymen, sondaı-aq batalondar (dıvızıondar) komandırlerimen jáne shtab bastyqtarymen taktıkalyq ushý jattyǵýlary da ótkizildi.
- Áskerı-ǵylymı konferensııalardy ótkizý komandırler men shtab bastyqtary, bólim serjanttary jaýyngerlik jáne jumyldyrý daıyndyǵy boıynsha teorııalyq jáne praktıkalyq bilimderin tereńdetýge múmkindik beredi,-dedi «Shyǵys» áskerı óńirlik qolbasshylyǵy baspasóz qyzmetiniń jetekshisi, aǵa leıtenant Islambek Qaldybekov,-aıta ketsek, «Shyǵys» óńirlik qolbasshylyǵyna qarasty 10810 áskerı bóliminiń tank batalony Qazaqstan Respýblıkasynyń Qarýly Kúshterinde «Mergen batalon» baıqaýynyń qorytyndysy boıynsha úzdik dep tanylyp tyr.
Jıyn sońynda ortalyǵy Semeıde ornalasqan «Shyǵys» óńirlik qolbasshylyǵynyń jaýyngerlik daıyndyǵy, áskerı tártibi, qarý-jaraq jáne áskerı tehnıka jaǵdaıy boıynsha qyzmetiniń qorytyndysy shyǵaryldy.
Raýshan NUǴMANBEKOVA,
«Egemen Qazaqstan»
SEMEI
