«Qazaqstan Respýblıkasyndaǵy saılaý týraly» Qazaqstan Respýblıkasy Konstıtýsııalyq zańynyń 26-babyna sáıkes 2019 jyldyń 25 mamyrdan bastap turǵylyqty jerlerde qurylǵan Nur-Sultan qalasynyń saılaý ýchaskelerinde tanysýǵa arnalǵan saılaýshylardyń tizimderi usynyldy.
«Naqty saılaý ýchaskesinde azamattardy saılaýshylar tizimine engizý úshin onyń osy saılaý ýchaskesiniń aýmaǵyndaǵy turǵylyqty jeri boıynsha tirkelý faktisi negiz bolyp tabylady», – dep málimdedi Nur-Sultan qalasynyń saılaý komıssııasynan.
Azamattarǵa tıisti ýchaskelik saılaý komıssııasynyń úı-jaıynda saılaýshylardyń tizimderimen tanysýǵa, sonymen qatar, onda engizilgen málimetterdiń durystyǵyn tekserýge múmkindik beriledi.
«Ár azamat saılaýshylardyń tizimindegi ózi týraly málimetti tekserýge jáne tizimge engizilmegendigi, durys engizilmegendigi nemese tizimnen shyǵarylyp tastalǵandyǵy jóninde shaǵymdanýǵa, sondaı-aq saılaýshylar týraly málimetterde jiberilgen dálsizdikterdi tekserýge quqyly», – delingen saılaý komıssııasynyń habarlamasynda.
Tizimge engizý týraly, odan shyǵaryp tastaý nemese tizimge túzetýler engizý qajettigi týraly aryzdardy ýchaskelik saılaý komıssııasy aryz kelip túsken kúni qaraıdy. Aryzdanýshy úshin oń sheshimnen keıin saılaýshylar tizimine túzetý nemese engizilmeı qalǵan saılaýshyny tizimge engizý shuǵyl túrde saılaý komıssııasymen júrgiziledi.
Aryz maquldanbaǵan jaǵdaıda, saılaý komıssııasy aryzdanýshyǵa onyń aryzy maquldanbaǵandyǵy týraly dáleldi sheshimniń kóshirmesin keshiktirmeı beredi. Sheshim sotta qaralýy múmkin.
Saılaýshy turatyn ornyn aýystyrǵan jaǵdaıda, saılaýshy ýchaskelik saılaý komıssııasynan daýys berý quqyǵyn beretin esepten shyǵarý kýálikterin alady. Esepten shyǵarý kýáligi jazbasha ótinish pen jeke kýáliktiń usynylýy negizinde 2019 jylǵy 25 mamyr – 8 maýsym aralyǵynda saǵat 18:00-ge deıin beriledi.
Ýchaskelik saılaý komıssııalary kúndelikti saǵat 9:00-den 20:00-ge deıin úzilissiz jumys isteıdi. Ýchaskelik saılaý komıssııalary týraly málimetter men baılanys telefondary tómende kórsetilgen.
