Týrnırge jalpy esebi 13 elden sportshylar keledi dep kútilýde. Atap aıtar bolsaq, Armenııa, Belarýs, Reseı, Moldova, Ýkraına, Grýzııa, О́zbekstan, Qyrǵyzstan, Tájikstan, Mońǵolııa, Iran jáne Bolgarııa balýandary Almaty kileminde ózara myqtyny anyqtaıdy.
Qazaqstannan ulttyq qurama sportshylary men oblys komandasynyń músheleri qatysady. Olardyń qatarynda, 97 kelide beldesetin Erulan Ysqaqov ta bar.
«Bolat Turlyhanovtyń kýbogine qatysý úshin daıyndyqty Shymkentte ótkizdik. On kúnge sozylǵan oqý-jattyǵý jıyndarynan soń Almatyǵa kelgen jaıymyz bar. Bul týrnır men úshin óte qyzyq bolǵaly tur. О́ıtkeni, óz salmaǵymdaǵy álem úzdikteriniń basym kópshili kele jatyr. Atap aıtar bolsam, armenııalyq balýan, Olımpıada chempıony Artýr Aleksanıan, 2013 jylǵy álem, 2016 jylǵy Eýropa chempıony, reseılik Nıkıta Melnıkov, 23 jasqa deıingi sportshylar arasynda eki márte top jarǵan Aleksandr Golovın bar. Bulardyń bári de «sen tur, men ataıyn» degen myqtylar. О́zim osy týrnırge ekinshi ret qatysqaly otyrmyn. Byltyrǵy básekede jeńilis taptym. Bıyl namysqa tyrysyp, úzdiktermen teń dárejede kúresý úshin barymdy salamyn», - deıdi Erulan.
Olympic.kz grek-rım kúresinen «Bolat Turlyhanov kýbogi» halyqaralyq týrnırinde baq synaıtyn Qazaqstan komandasynyń tizimin usynady:
60 keli
Qorlan Jaqansha, Meırambek Aınaǵulov, Ernar Fıdahmetov, Janserik Sársembıev, Aıdos Sultanǵalı;
67 keli
Almat Kebispaev, Ádilhan Sataev, Nurtaı Nurǵalıev, Danııar Qalenov, Qudaıbergen Tursynov;
77 keli
Ashat Jańbyrov, Ashat Dilmuhambetov, Ibragım Magomedov, Temirlan Shadýkaev;
87 keli
Azamat Qustybaev
97 keli
Álimhan Syzdyqov, Erulan Ysqaqov
130 keli
Damır Kúzembaev
Mansur Shadýkaev
Týrnırge Reseı quramasy sapynan álem chempıondary Nıkıta Melnıkov, Aleksandr Golovın (97 keli), Ramazan Abacharaev (77 keli), álem jáne Eýropa chempıony Aleksandr Chehırkın (77 keli), Olımpıada chempıony Davıt Chakvetadze (87 keli) jáne Olımpıada oıyndarynyń júldegeri Mıngııan Semenov (60 keli) qatysady.
Sondaı-aq, úsh dúrkin álem chempıony, Rıo Olımpıadasynyń jeńimpazy, armenııalyq Artýr Aleksanıan da Turlyhanov týrnırinde baq synaıdy.
