Baıqaýdy ótkizýdiń maqsaty – shyǵarmashylyqqa beıim, ıntellektýaldyq damý deńgeıi joǵary, kásibı qyzmette joǵary nátıjelerge qol jetkizgen talantty pedagogtardy anyqtaý.
Irikteý kezeńderiniń negizinde jaqsy nátıje kórsetken segiz qatysýshy «Meniń pedagogıkalyq ustanymym» atty ózin-ózi tanystyrý saıysynda baq talastyrdy.
Baıqaý qorytyndysy boıynsha qoǵamdyq tamaqtaný jáne qyzmet kórsetý kolledjiniń oqytýshysy Sáýlem Qojabergenova bas júldeni qanjyǵasyna baılady. Birinshi oryndy ekonomıka, tehnologııa jáne tamaq ónimderin standarttaý kolledjiniń oqytýshysy Gúlden Baıǵabylova, ekinshi oryndy - Kólik jáne kommýnıkasııa kolledjiniń burynǵy oqytýshysy Ekaterına Tarasova aldy. Úshinshi oryn kópsalaly kolledj oqytýshysy Antonına Hıjınskaıaǵa buıyrdy.
Sonymen qatar, «Zertteýshi pedagog» atalymy boıynsha tehnologııalyq kolledjiniń oqytýshysy Uljan Temirtanova, «Jańashyl pedagog» atylymynda qurylys jáne tehnıkalyq kolledjiniń oqytýshysy Almas Ábdireımov, «Ádisker pedagog» atalymy boıynsha polıtehnıkalyq kolledjdiń oqytýshysy Samal Mýhammedııa jáne «Erýdıt pedagog» atalymynda tehnıkalyq kolledjdiń oqytýshysy Adııat Imambaev jeńimpaz atandy.
Baıqaý jeńimpazdary men júldegerleri bilim basqarmasynyń dıplomdarymen, bilim berýdi jańǵyrtý ortalyǵynyń sertıfıkattarymen, pedagogtardyń «Ádilet» qalalyq kásipodaǵynan aqshalaı syıaqymen jáne syılyqtarmen marapattaldy.
