Quramyna 35 el kiretin Azııalyq Trıatlon Konfederasııasynyń bastamasymen kásibı sportshylar arasynda trıatlonnan qurylyqtyq týrnıri ótedi.
«Standartty» qashyqtyqtaǵy jarys úsh kezeńde ótedi. 1500 m júzý + 40 km velojarys + 10 km júgirý boıynsha synda jalpy 300-ge jýyq kásibı sportshy qatysady. Baıraqty báseke Shymkenttegi «Jaılaýkól» saıabaǵy men «Naýryz» alańynda 2 kúnge jalǵasady.
Qazaqstanda trıtlon sporty men salaýatty ómir saltyn damytý maqsatynda Shymkent qalasynyń ákimdigi, «SPK Shymkent» AQ, Qazaqstan Respblıkasy Mádenıet jáne sport mınıstrliginiń Sport jáne dene shynyqtyrý isteri komıteti, QR Ulttyq olımpıadalyq komıteti, «Samuruq-Qazyna» ulttyq ál-aýqat qory» AQ, Shymkent qalasynyń trıatlon federasııasy, Qazaqstan Trıatlon Federasııasynyń uıymdastyrýymen ótkizilmek.
Trıatlon – júzý, velojarys jáne júgirý sekildi jekelegen sport túrlerinen quralǵan mýltısportıvti sıkldyq olımpıadalyq sport túri. Trıatlon kezeńderin sportshylar kezekpen jáne úzilissiz baǵyndyrady. Halyqaralyq deńgeıde trıatlon Halyqaralyq Trıatlon Odaǵynyń (International Triathlon Union) erejelerimen retteledi. Atalǵan jarystyń tehnıkalyq delegaty Ms. Kyung Sook Kim (KOR).
