Qazylar alqasynyń quramyndaǵy tanymal ánshi Marjan Arapbaeva men mýzykalyq prodıýser Farıda Nııazova 8 ben 12 jas aralyǵyndaǵy 300-den astam qatysýshyny tyńdady.
Baıqaýdyń aqtyq kezeńine 10 jasar Kamılla Kýzdenbaeva ótti. Ol qazylar alqasy men kórermenderdi óziniń erekshe daýysy men yrǵaqty sezý qabiletimen tańǵaldyrdy. Kamıllanyń keremet tabıǵı vokaldy qabiletteri eshkimdi beıjaı qaldyrǵan joq. Anasynyń aıtýy boıynsha shyǵarmashylyq ıkemdilikterin Kamılla balalyq shaǵynan bastap tanytyp keledi. Qarjy qyzmetkerleriniń otbasynda dúnıege kelgen baldyrǵan bir jarym jasynda-aq aınaladaǵylardy «Antoshka» ánin oryndaýmen qýantqan. Al alǵash vokal sabaqtaryna Kamılla úsh jasqa tolmaı jazylǵan. Sol kezden bastap ol mýzyka men ánsiz eshbir kúnin ótkizbeıdi. Sonymen qatar daryndy baldyrǵan ıspan tilin úırenýde. Bul tildiń oǵan unaıtyny sonshalyqty, repertýaryndaǵy ánderdiń kóp bóligi sol tilde oryndalady. Astanalyq fınalıst bı jáne fortepıanoda oınaýmen shuǵyldanady. Bolashaqta Kamılla Kýzdenbaeva ózin álem sahnalarynyń juldyzy retinde kóredi. Ol elimizdegi eń aýqymdy balalar jobasy – «Bala daýysy» bul armanǵa jetý jolynda óz septigin tıgizetinine senimdi.
Kúzde Kamılla Qazaqstannyń basqa aımaqtarynyń 16 fınalısimen «Juldyzdy Arman úıinde» kezdesedi. Baıqaýdyń sýperfınalyna daıyndalý maqsatynda balalar vokal, horeografııa jáne ártistik qabiletterin arttyratyn sabaqtarǵa qatysady.
25 men 27 qazan kúnderi baldyrǵandar jobanyń aqtyq baǵdarlamalarynda óner kórsetip, baıqaýǵa arnaıy jazylǵan ánderdi oryndaıdy.
