Birneshe kúngi sozylǵan jarystyń qorytyndysy boıynsha bylǵary qolǵap sheberleri jeńis tuǵyrynyń eń bıik satylaryna kóterildi: Asqar Qaısar (49 kılo, Jambyl oblysy), Bereke Smalı (52 kılo, Almaty qalasy), Almas Nurǵalı (56 kılo, Almaty qalasy), Beknur Ojanov (60 kılo, Shyǵys Qazaqstan oblysy), Djahongır Rasýlov (64 kılo, О́zbekstan), Aıdarhan Nuqanov (69 kılo, Nur-Sultan), Saparbaı Aıdarov (75 kılo, QR QM AOSK), Erkebulan Ákimbaı (81 kılo, Almaty oblysy, Muhammedjan Erkin (91 kılo, QR QM AOSK) jáne Aleksandr Sıdorın (+91 kılo, Reseı).
– Jyl saıyn Almatyda ótip turatyn bul jarystyń óz tarıhy men dástúri bar. Kózi tiri bolǵanda, táýelsiz Qazaqstannyń tarıhyndaǵy tuńǵysh Qorǵanys mınıstri Saǵadat Nurmaǵambetov 25 mamyr kúni 95 jasqa tolatyn edi. Aıtýly azamat barlyq ǵumyryn óz Otanyna qyzmet etýge arnady. Qazirgi Qazaqstan Respýblıkasy Qarýly Kúshteriniń irgetasyn qalaýǵa úlken úles qosty. Osylaı tizbekteı bersek, Saǵadat Qojahmetulynyń eline sińirgen eńbegi orasan zor. Al ondaı azamattardyń esimderi halyqtyń esinde máńgi saqtalatyny anyq, – deıdi QR QM AOSK-nyń bastyǵy Aıtalap Qurǵambaev.
Jarys aıaqtalǵannan keıin jeńimpazdar men júldegerlerge dıplomdar men medaldar tabys etildi. Al 69 kılo salmaq dárejesinde top jarǵan Nur-Sultan qalasynyń ókili Aıdarhan Nuqanovqa osy týrnırdiń eń úzdik boksshy atanyp, arnaıy syılyqqa ıe boldy.
