Áıelder arasyndaǵy elimizdiń birinshi raketkasy, WTA tiziminde 39 orynda turǵan Iýlııa Pýtınseva Rebekka Petersonmen sheberlik baıqasady. 23 jastaǵy Shvesııa ókiliniń «Úlken dýylǵa» sanatyndaǵy týrnırlerdegi eń zor nátıjesi – byltyrǵy jyly ótken AQSh-tyń ashyq birinshiliginde úshinshi aınalymǵa jetýi. Al ITF dodalarynda ol 8 ret top jardy.
Álemdik reıtıngte 90 orynda turǵan Zarına Dıas Odrı Albımen aıqasady. WTA tiziminde 288 orynǵa turaqtaǵan 24 jastaǵy fransııalyq oıynshy áli de aıtarlyqtaı tabystarǵa jete qoıǵan joq. Ol «vaıldkardtyń» araqasynda «Rolan Garrosqta» kúsh synasý qurmetine ıe boldy.
Erler arasynda Qazaqstannyń eń úzdik tennısshisi, álemniń 48 raketkasy Mıhaıl Kýkýshkın Marın Klıjanmen kezdesedi. Taıaý kúnderi 30 jasqa tolatyn Slovakııa sportshysynyń ATR týrnırlerin 6 márte utqanymen, «Úlken dýylǵa» dodalarynda úshinshi aınalymnan asqan emes. Bul kúnderi ol álemdik reıtıngte jerlesimizden alty saty tómen tur. Al Aleksandr Býblıktiń qarsylasy kim bolatyny aldaǵy kúnderi anyqtalady.
