Atalǵan baıqaýshylar QR Prezıdentiniń kezekten tys saılaýy kúnine deıin óńirdegi saılaý ýchaskeleriniń daıyndyǵyn baqylap, saılaýaldy jaǵdaıdy qadaǵalaıtyn bolady.
Qazirgi tańda Qazaqstanda EQYU atynan uzaq merzimdi 22 baıqaýshy jumys istep júr. Buǵan qosa 9 maýsymǵa deıin elimizge qysqa merzimdi baıqaýshylar da keledi. Olar saılaý ýchaskelerinde daýys berý barysyn jáne daýystardy sanaýdy qadaǵalaıdy. Jalpy, saılaý kúni elimizde 200-den astam sheteldik baıqaýshy jumys isteıtin bolady.
Qaraǵandy oblysynda halyqaralyq baıqaýshylar Qaraǵandy, Temirtaý jáne Shahtınsk qalalaryndaǵy saılaý ýchaskeleriniń jumysyna qatysýdy josparlap otyr.
– Qazir biz saılaý komıssııalarymen, qalalar men aýdandardyń ákimdikterimen kezdesýler ótkizip júrmiz. Al elordada biz prezıdent laýazymyna kandıdattarmen jáne shtab múshelerimen jumys isteıtin bolamyz, – dedi kezdesý barysynda Martın Rossman.
Erlan Qoshanov mıssııaǵa qatysýshylarǵa Qaraǵandy oblysy týraly jáne saılaýǵa daıyndyq týraly aıtyp berdi. «О́ńirde saılaýshylar tizimi jańartylǵan: jańa tizimde 938 myń adam bar. Olar úshin 787 saılaý ýchaskesi jumys isteıtin bolady. Saılaý ýchaskeleriniń bárinde múmkindigi shekteýli adamdardyń qajettiligi eskeriledi», dedi óńir basshysy.
Eske salsaq, Qaraǵandy oblysynda kásipkerler qaýymdastyǵy bazasynda sheteldik baıqaýshylarǵa kómek kórsetý ortalyǵy qurylǵan bolatyn. Bul jerde olarǵa mindetterin alańsyz jáne tolyqqandy atqarý úshin barlyq jaǵdaı múmkindigi qarastyrylǵan.
Qaraǵandy oblysy
